Sara Ali Khan, Janhvi Kapoor : बॉलिवूड अभिनेत्री सारा अली खान (Sara Ali Khan) आणि जान्हवी कपूर (Janhvi Kapoor) बॉलिवूडमधील ‘बेस्ट फ्रेंड्स’पैकी एक आहेत. दोघी नेहमीच एकमेकींसोबत वेळ घालवताना दिसतात. सारा आणि जान्हवीची मैत्री बॉलिवूडमध्ये नेहमीच चर्चेचा विषय असते. मात्र, आता दोघींनी त्यांच्या चाहत्यांना एक सुखद धक्का दिला आहे. नुकताच त्यांनी सोशल मीडियावर एक एकत्र फोटो शेअर केला आहे. दोघींचा हा फोटो पाहून असे दिसतेय की, त्या लवकरच एका नवीन प्रोजेक्टमध्ये एकत्र दिसणार आहेत. या फोटोमध्ये साराच्या चेहऱ्यावर आश्चर्याचे भाव आहेत, तर जान्हवी यात हसत आहे.
सारा आणि जान्हवीच्या चेहर्‍यावरचे हे हावभाव पाहता प्रेक्षकांना आता काहीतरी मोठं सरप्राईज नक्कीच मिळणार आहे. सारा आणि जान्हवी दोघींनीही हा फोटो त्यांच्या अधिकृत सोशल मीडिया अकाऊंटवरून पोस्ट केला आहे.
पाहा पोस्ट :
साराने हा फोटो शेअर करत कॅप्शनमध्ये लिहिले की, 'कॉफी बनवण्यापासून आतापर्यंत आम्ही सहकलाकार म्हणून एकत्र शूट केले आहे. आमच्याकडे बघून तुम्हाला काय वाटले ते आम्हाला सांगा?'
दोघींचा हाच फोटो शेअर करताना जान्हवीने लिहिले की, 'ट्रॅव्हल, अॅडव्हेंचर, कॉफी डेट्स आणि आता को-स्टार्स!'. या फोटोमध्ये जान्हवी लेव्हेंडर रंगाच्या ऑफ शोल्डर टॉपमध्ये दिसत आहे, तर सारा अली खानने पांढरा टॉप परिधान केला आहे. दोघींचा लूक जबरदस्त दिसत आहे.
आता या दोघी खरोखरंच एखाद्या प्रोजेक्टमध्ये एकत्र दिसणार असतील, तर त्यांच्या चाहत्यांसाठी ही आनंदाची बातमी असेल. दोन्ही अभिनेत्री नुकत्याच ‘कॉफी विथ करण’मध्ये एकत्र दिसल्या होत्या. या शोच्या मंचावर दोघींनी खूप धमाल केली होती. सोबतच अनेक रंजक गोष्टी शेअर केल्या होत्या. या शोदरम्यान दोघींची जबरदस्त केमिस्ट्री पाहायला मिळाली होती. त्यामुळे आता दोघींना पडद्यावर एकत्र पाहण्यासाठी चाहते उत्सुक आहेत.
सारा-जान्हवीचे आगामी प्रोजेक्ट्स
सारा आणि जान्हवी दोघीही सध्याच्या सगळ्यात व्यस्त अभिनेत्रींच्या यादीत सामील आहेत. साराच्या वर्कफ्रंटबद्दल बोलायचे तर, ती सध्या पवन कृपलानीच्या आगामी चित्रपटाच्या शूटिंगमध्ये व्यस्त आहे. या चित्रपटात ती अभिनेता विक्रांत मेस्सीसोबत झळकणार आहे. या चित्रपटातून विक्रांत पहिल्यांदाच सारासोबत काम करणार आहे. याशिवाय सारा विकी कौशलसोबत एका चित्रपटात काम करत आहे, ज्याचे नाव अद्याप जाहीर झालेले नाही.
अभिनेत्री जान्हवी कपूर नुकतीच ‘गुडलक जेरी’ या चित्रपटातून प्रेक्षकांच्या भेटीला आली होती. सध्या ती अभिनेता वरुण धवनसोबत नितेश तिवारीच्या आगामी 'बवाल' या चित्रपटात काम करत आहे. जान्हवीचा हा चित्रपट 2023मध्ये प्रदर्शित होणार आहे. याशिवाय तिच्या हातात 'दोस्ताना 2' आणि 'मिस्टर अँड मिसेस माही' सारखे चित्रपट आहेत.
हेही वाचा: