Koffee With Karan 7 : करण जोहरच्या ‘कॉफी विथ करण’चा 7वा सीझन (Koffee With Karan 7) प्रेक्षकांच्या भेटीला आला आहे. या शोमध्ये अनेकदा सेलिब्रिटींच्या त्यांच्या आयुष्यातील न उलगडलेल्या अनेक गोष्टींवर चर्चा करतात. या सीझनमध्ये करणच्या शोमध्ये बहुचर्चित अभिनेत्री समंथा रुथ प्रभू (Samantha Ruth Prabhu) हजेरी लावणार आहे. नुकताच या शोचा एका प्रोमो सोशल मीडियावर शेअर करण्यात आला आहे. या व्हिडीओमध्ये समंथा लग्न तुटण्याचे कारण सांगताना दिसत आहे.
समंथा चित्रपटांच्या बळावर प्रेक्षकांच्या मनावर राज्य करत आहे. परंतु, तिचे आयुष्य अनेक विवादांनी वेढलेले आहे. सध्या अभिनेत्रीला तिच्या वैयक्तिक आयुष्यात अनेक चढउतारांना सामोरे जावे लागले आहे. आता समंथा लवकरच करण जोहरच्या चॅट शोमध्ये हजेरी लावून, तिच्या आयुष्यातील काही गुपित सांगणार आहे.
घटस्फोटाची घोषणा केल्यापासून, समंथा याविषयी कधीही उघडपणे बोलली नाही किंवा नागाने याबद्दल कधीही कोणतेही वक्तव्य केलेले नाही. परंतु, अलीकडेच अभिनेत्रीने वैवाहिक जीवन निराशाजनक का होते, याबद्दल सांगितले आहे.
आयुष्य म्हणजे K3G नव्हे...
खरंतर, समंथा लवकरच करण जोहरच्या शो 'कॉफी विथ करण सीझन 7' मध्ये दिसणार आहे. याचा एक प्रोमो करणने त्याच्या इंस्टाग्रामवर शेअर केला आहे. या प्रोमोमध्ये समंथा तिच्या वैवाहिक जीवनाविषयी बोलताना दिसत आहे. प्रोमोमध्ये अभिनेत्री म्हणते, 'आपल्या दुःखी वैवाहिक जीवनाचे कारण आपणच असतो. आपण आयुष्याला K3G (कभी खुशी कभी गम) समजतो, पण खरे आयुष्य 'KGF' सारखे आहे.’ समंथाचे बोलणे ऐकून करणही हसला.
पाहा प्रोमो :
Koffee With Karan 7 : घटस्फोटाची घोषणा केल्यापासून, समंथा याविषयी कधीही उघडपणे बोलली नाही किंवा नागाने याबद्दल कधीही कोणतेही वक्तव्य केलेले नाही.
करणच्या या सुपरहिट चॅट शोची अनेक दिवसांपासून चाहते वाट पाहत आहेत. 'कॉफी विथ करण 7' मध्ये कतरिना कैफ-विकी कौशल आणि आलिया भट्ट-रणबीर कपूर सारखे बॉलिवूड स्टार्स पाहुणे म्हणून दिसणार आहेत. यातीलच एका भागात समंथा रुथ प्रभू जाहेरी लावणार आहे. तिच्यासोबत अक्षय कुमार देखील उपस्थित राहणार आहे.
हेही वाचा: