Vicky Kaushal Sam Bahadur Box Office Collection : अभिनेता रणबीर कपूरचा (Ranbir Kapoor) 'अॅनिमल' (Animal) हा सिनेमा प्रेक्षकांच्या भेटीला आला आहे. दरम्यान बॉलिवूड अभिनेता विकी कौशलचा (Vicky Kaushal) 'सॅम बहादुर' (Sam Bahadur) हा सिनेमाही प्रदर्शित झाला आहे. खरंतर हे दोन्ही सिनेमे प्रेक्षकांच्या पसंतीस उतरले आहेत.
विकी कौशलचा 'सॅम बहादुर' या सिनेमाने रिलीजच्या पहिल्या दिवशी ठीक ठाक कमाई केली होती. रिलीजच्या पहिल्या दिवशी या सिनेमाने 6.25 कोटींची कमाई केली होती. 'सॅम बहादुर' हा सिनेमा रिलीजआधीपासूनच चर्चेत आहे. मेघना गुलजार (Meghna Gulzar) यांनी या सिनेमाचं दिग्दर्शन केलं आहे.
'सॅम बहादुर'चं बॉक्स ऑफिस कलेक्शन जाणून घ्या.. (Sam Bahadur Box Office Collection Day 2)
'सॅम बहादुर' हा सिनेमा 1 डिसेंबर 2023 रोजी प्रेक्षकांच्या भेटीला आला होता. रिलीजच्या पहिल्या दिवशी या सिनेमाने 6.25 कोटींची कमाई केली. तर पहिल्या दिवसापेक्षा दुसऱ्या दिवशी या सिनेमाच्या कमाईत वाढ झाली आहे. दुसऱ्या दिवशी या सिनेमाच्या कमाईत चांगलीच वाढ झाली आहे. रिलीजच्या दुसऱ्या दिवशी 'सॅम बहादुर'ने 9 कोटींची कमाई केली आहे. एकंदरीतच दोन दिवसांत या सिनेमाने 15.25 कोटींची कमाई केली आहे. 'सॅम बहादुर'च्या कमाईत वाढ झाल्याने विकीचे चाहते आनंदी झाले आहेत.
बॉक्स ऑफिसवर रणबीर की विकीचं वर्चस्व
रणबीर कपूर-रश्मिका मंदाना यांचा 'अॅनिमल' आणि विकी कौशलचा 'सॅम बहादुर' हा सिनेमा 1 डिसेंबर 2023 रोजी प्रदर्शित झाला. दोन्ही सिनेमांची चाहते रिलीजआधीपासून प्रतीक्षा करत होते. 'अॅनिमल'ने रिलीजच्या पहिल्या दिवशी 60 कोटींची कमाई केली होती. तर दोन दिवसांत या सिनेमाने 100 कोटींचा टप्पा पार केला आहे. दुसरीकडे विकी कौशलच्या 'सॅम बहादुर' या सिनेमाला दोन दिवसांत 20 कोटींचा टप्पा पार करता आलेला नाही.
'सॅम बहादुर' सिनेमाबद्दल जाणून घ्या.. (Sam Bahadur Movie Details)
'सॅम बहादुर' या सिनेमात विकी कौशलसह फातिमा सना शेख, सान्या मल्होत्रा, नीरज काबी, गोविंद नामदेव, मोहम्मद जीशान, अयूब मुख्य भूमिकेत आहेत. पहिले फील्ड मार्शल मानेकशॉ यांच्या आयुष्यावर आधारित हा सिनेमा आहे. गुलजारांनी या सिनेमातील गाणी लिहिली आहेत. 'सॅम बहादुर' हा सिनेमा आता किती कोटींची कमाई करणार हे जाणून घेण्यासाठी प्रेक्षक उत्सुक आहेत.
संंबंधित बातम्या