Salman Khan Tiger 3 Advance Booking : बॉलिवूडचा भाईजान सलमान खानचा (Salman Khan) 'टायगर 3' (Tiger 3) हा सिनेमा प्रेक्षकांच्या भेटीसाठी सज्ज आहे. आता या सिनेमाच्या अॅडव्हान्स बुकिंगला सुरुवात झाली आहे. अॅडव्हान्स बुकिंगमध्येच या सिनेमाने रेकॉर्डब्रेक कमाई केली आहे. त्यामुळे दिवाळीत (Diwali 2023) 'टायगर 3'चे शो हाऊसफुल होणार अशी शक्यता वर्तवली जात आहे.
'टायगर 3' हा सिनेमा दिवाळीत रेकॉर्डब्रेक कमाई करण्यासाठी सज्ज आहे. दिवाळीत प्रदर्शित झालेले सिनेमे बॉक्स ऑफिसवर जादू दाखवण्यात अयशस्वी होत असतात. पण सलमानचं स्टारडम लक्षात घेता हा सिनेमा बॉक्स ऑफिसवर दणदणीत कमाई करणार असल्याचं म्हटलं जात आहे.
'टायगर 3'चा अॅडव्हान्स बुकिंगमध्ये धमाका (Salman Khan Tiger 3 Advance Booking)
'टायगर फ्रेंमाइजी'च्या आगामी सिनेमाची प्रेक्षकांना उत्सुकता आहे. मनीष शर्माने (Manish Sharma) या सिनेमाच्या दिग्दर्शनाची धुरा सांभाळली आहे. सॅकनिल्क एंटरटेनमेंटच्या रिपोर्टनुसार, शुक्रवारी रात्रीपर्यंत 'टायगर 3' या सिनेमाचे पाच लाख 86 हजार 650 तिकीट विकले गेले आहेत. एकंदरीत आतापर्यंत अॅडव्हान्स बुकिंगमध्ये या सिनेमाने 15.58 कोटींची कमाई केली आहे.
'टायगर 3'च्या अॅडव्हान्स बुकिंगच्या कमाईत दिवसेंदिवस वाढ होत आहे. दिवाळीनंतर टायगर 3 च्या कमाईत आणखी वाढ होऊ शकते. 'गदर 2' आणि 'ब्रह्मास्त्र' या सिनेमांच्या अॅडव्हान्स बुकिंगपेक्षा 'टायगर 3'ची अॅडव्हान्स बुकिंग सर्वाधिक आहे.
'टायगर 3' या सिनेमाच्या दिग्दर्शनाची धुरा मनीष शर्माने सांभाळली आहे. या सिनेमात सलमान आणि कतरिनासह इमरान, रिद्धी डोगरा, कुमुद मिश्रा, रेवती आणि अनन्त विदात हे कलाकार महत्त्वाच्या भूमिकेत झळकणार आहेत. हिंदी, तामिळ आणि तेलुगू या भाषांमध्ये हा सिनेमा प्रदर्शित होईल.
'टायगर 3'कधी होणार रिलीज? (Tiger 3 Release Date)
'टायगर 3' या सिनेमाची सिनेरसिकांमध्ये चांगलीच उत्सुकता आहे. सलमान खान आणि कतरिना कैफ ही रुपेरी पडद्यावरची सुपरहिट जोडी आहे. त्यांना एकत्र पाहणं प्रेक्षकांसाठी आणि चाहत्यांसाठी मनोरंजनाची मेजवानी आहे. आता टायगर 3 च्या माध्यमातून रुपेरी पडदा गाजवण्यासाठी ते सज्ज आहेत.
'टायगर 3' हा सिनेमा दिवाळीच्या मुहूर्तावर प्रेक्षकांच्या भेटीला येणार आहे. चाहते या सिनेमाची आतुरतेने वाट पाहत आहेत. मनीष शर्माने या सिनेमाच्या दिग्दर्शनाची धुरा सांभाळली आहे. 'टायगर 3' या सिनेमात सलमान खान, कतरिना कैफ आणि इमरान हाशमी मुख्य भूमिकेत झळकणार आहेत. इमरान हाशमी या सिनेमात नकारात्मक भूमिकेत दिसणार आहे. 2023 वर्षातला सलमानचा हा दुसरा सिनेमा आहे. याआधी त्याचा 'किसी का भाई किसी की जान' (Kisi Ka Bhai Kisi Ki Jaan) हा सिनेमा प्रेक्षकांच्या भेटीला आला होता.
संबंधित बातम्या