Salman Khan Sikandar Movie Shooting : बॉलिवूड अभिनेता सलमान खान लवकरच त्याच्या आगामी चित्रपटाच्या शूटींगला सुरुवात करणार आहे. सध्या सलमानच्या जीवाला धोका असल्याने त्याच्या सुरक्षेत वाढ करण्यात आली आहे. यामुळे शूटींगच्या ठिकाणीही खास सुरक्षेचा बंदोबस्त करण्यात आला आहे. सलमान खानच्या सुरक्षेसाठी शूटींगचं लोकेशन गुप्त ठेवण्यात येणार आहे. सलमान खानचे जवळचे मित्र माजी मंत्री बाबा सिद्दीकी यांची गोळ्या झाडून हत्या करण्यात आली. याप्रकरणात बिश्नोई गँगचं नाव समोर आलं असून त्याच्यापासून सलमान जीवाला धोका असल्याने त्याच्या सुरक्षेतही वाढ करण्यात आली आहे.
सलमान खान लवकरच सेटवर परतणार
बाबा सिद्दीकीच्या हत्येनं व्यथित झालेला त्यांचा मित्र बॉलिवूड अभिनेता सलमान खाना आता अखेर पुन्हा एकदा सिकंदर सिनेमाचं शूट सुरू करण्याच्या तयारीत आहे. मात्र बाबा सिद्दीकी यांच्या हत्येमधे लॉरेन्स बिष्णोईचं नाव आल्यानं पोलिस प्रशासन आणि स्वतः सलमान अलर्ट झाले आहेत. सलमानच्या सुरक्षेची काळजी घेण्यात येत आहे. त्यामुळेच सलमानच्या सिकंदर सिनेमाच्या शूटिंगचं लोकेशन गुप्त ठेवण्यात आलं आहे. एवढंच नव्हे तर स्वतःच्या झेड सिक्युरिटीशिवाय सलमान शूटिंगच्या लोकेशनवर केवळ अत्यावश्यक असा स्टाफच घेऊन जाणार असल्याची माहिती समोर येत आहे.
सलमानच्या सुरक्षेसाठी सेटवर तगडा बंदोबस्त
माजी मंत्री बाबा सिद्दीकी यांची मुंबईत भररस्त्यात गोळ्या झाडून हत्या करण्यात आली. बिश्नोई गँगने या हत्येची जबाबदारी घेत सलमान खानला धमकी दिली आहे. यानंतर सलमान खानच्या सुरक्षेत वाढ करण्यात आली आहे. सलमान खानच्या घरावरही याधी एप्रिल महिन्यात गोळीबार करण्यात आला होता. त्यासोबत सलमान आणि त्याच्या वडिलांनाही धमकी देण्यात आली होती. या प्रकरणाचं गांभीर्य लक्षात घेत सलमानच्या सुरक्षेत वाढ करण्यात आली आहे.
सलमान खानला वाय प्लस सुरक्षा
आपला जवळचा मित्र आणि महाराष्ट्राचे माजी मंत्री बाबा सिद्दीकी यांच्या हत्येनंतर सलमान खानला मोठा धक्का बसला असतानाच त्याची सुरक्षा आणखी वाढवण्यात आली आहे. यावर्षी एप्रिलमध्ये सलमान खानच्या घरावर झालेल्या गोळीबारानंतर त्याला वाय प्लस सुरक्षा देण्यात आली होती. तर आता बाबा सिद्दिकींची हत्या आणि लॉरेन्स बिश्नोई गँगच्या धमकीमुळे सलमान खानच्या वाय-प्लस सुरक्षा देण्यात आली आहे. मुंबई पोलिसांनी सलमान खानचं घर आणि कामाच्या ठिकाणी तपासणी करत पाळत ठेवत आहेत.
महत्त्वाच्या इतर बातम्या :