Tiger 3 : भाईजानच्या सिनेमाची चाहते नेहमीच प्रतीक्षा करत असतात. अशातच सलमानच्या आगामी 'टायगर 3' सिनेमाची चर्चा होत आहे. 40 दिवसांत सलमानच्या आगामी 'टायगर 3' सिनेमाचे शूटिंग पूर्ण होणार आहे. 'एक था टायगर', 'टायगर जिंदा है' नंतर प्रेक्षक आता 'टायगर 3' सिनेमाची प्रतिक्षा करत आहेत.
टायगर सिनेमाच्या तिसऱ्या भागात अविनाश सिंह राठौरचे पात्र सलमान खान (Salman Khan) साकारणार आहे.
सिनेमात कतरिना सोबत दिसणार सलमान
'टायगर 3' सिनेमात पुन्हा एकदा कतरिना प्रेक्षकांच्या भेटीला येणार आहे. सिनेमात कतरिना भाईजानसोबत दिसणार आहे. जोया हुमानी हे पात्र कतरिना साकारणार आहे. अशातच कतरिना आणि विकी येत्या डिसेंबरमध्ये लग्नबंधनात अडकणार, अशी शक्यता वर्तवली जात आहे. अद्याप कोणतीही अधिकृत माहिती समोर आलेली नाही.
दबंगच्या तयारीत सलमान
जॅकलिन फर्नांडीज, शिल्पा शेट्टीसह सलमान खान 10 डिसेंबरला रियादला सिनेमाच्या शूटिंगसाठी जाणार आहे. 'दबंग 4' च्या ट्रेलरमुळे प्रेक्षक आता सिनेमाची प्रतिक्षा करत आहेत. 'दबंग 4' सिनेमा जून 2022 ला प्रदर्शित होणार आहे.
'अंतिम'च्या प्रमोशनमध्ये सलमान व्यस्त
सलमान खान सध्या अंतिम सिनेमाच्या शूटिंगमध्ये व्यस्त आहे. अशातच भाईजानने थेट अहमदाबादला महात्मा गांधी यांच्या साबरमती आश्रमाला भेट दिली. दरम्यान सलमान खानने बापूंचा चरखादेखील चालवला.
सलमान खानचा 'अंतिम : द फायनल ट्रुथ' (Antim: The Final Truth) सिनेमा 26 नोव्हेंबरला सिनेमागृहात प्रदर्शित झाला होता. अंतिम : द फायनल ट्रुथ' हा सिनेमा 'मुळशी पॅटर्न' या सुपरहिट मराठी चित्रपटाचा हिंदी रिमेक आहे. 'अंतिम' सिनेमात सलमान खान एका शूर पोलिसाच्या भूमिकेत दिसतो आहे. तर सलमान खानचा मेहुणा आयुष शर्मा गुंडाच्या भूमिकेत दिसतो आहे. या सिनेमाच्या माध्यमातून महिमा मकवानाने बॉलिवूडमध्ये पदार्पण केले आहे. या सिनेमाचे दिग्दर्शन महेश मांजरेकरांनी केले आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha