Shalmali Kholgade wedding : प्रसिद्ध गायिका शाल्मली खोलगडे (Shalmali Kholgade) नुकतीच विवाह बंधनात अडकली आहे. फरहान शेखसोबत (Farhan Shaikh ) शाल्मलीने 22 नोव्हेंबर रोजी लग्नगाठ बांधली. शाल्मलीने गायलेल्या दारू देसी, परेशान , बालम पिचकारी या गाण्याला प्रेक्षकांची विशेष पसंती मिळाली होती. तसेच 'सूर नवा ध्यास नवा' आणि 'इंडियन आयडॉल ज्युनियर' या शोमध्ये तिने परीक्षकाची भूमिका पार पडाली. लग्नसोहळ्याचे फोटो शाल्मलीने सोशल मीडियावर शेअर केले आहेत.
शाल्मलीने विवाह सोहळ्याचे फोटो शेअर करून त्याला कॅप्शन दिले, '22 नोव्हेंबर 2021 हा माझ्या आयुष्यातील सर्वात खास दिवस. या माझ्या प्रिय व्यक्तीसोबत माझे लग्न झाले. आमचा विवाह सोहळा आमच्या घरातील लिव्हींग रूममध्ये झाला. या सोहळ्याला आमचे काही मोजके नातेवाईक उपस्थित होते.'
ऑरेंज आणि पांढऱ्या रंगाची साडी, कानात झुमके आणि गजरा असा लूक शाल्मलीने लग्न सोहळ्यासाठी केला होता. तसेच शाल्मली आणि फरहान यांच्या विवाह सोहळ्याच्या फोटोमधील दोघांच्या गळ्यातील माळांनी अनेकांचे लक्ष वेधले. या माळा कागदी फुलं आणि दोघांच्या फोटोपासून तयार करण्यात आल्या आहेत.
संबंधित बातम्या :
83 Trailer Release : अंगावर शहारे आणणारा '83' चा ट्रेलर प्रदर्शित; 1983च्या विश्व चषकाचा थरार
Disha Patani : दिशा पाटनीनं केली प्लास्टिक सर्जरी? व्हिडीओ पाहून चाहते अवाक्