Rocky Aur Rani Ki Prem Kahaani Twitter Review: चित्रपट निर्माता आणि दिग्दर्शक करण जोहरचा 'रॉकी और रानी की प्रेम कहानी' (Rocky Aur Rani Ki Prem Kahaani) हा चित्रपट आज (28 जुलै) थिएटरमध्ये रिलीज झाला आहे. या चित्रपटाची सोशल मीडियावर जोरदार चर्चा होत आहे. धर्मा प्रॉडक्शननं निर्मिती केलेला हा चित्रपट पाहण्यासाठी चाहते उत्सुक आहेत. चित्रपटाचा फर्स्ट डे फर्स्ट शो पाहण्यासाठी प्रेक्षकांनी चित्रपटगृहाबाहेर गर्दी केली आहे. काही नेटकऱ्यांनी 'रॉकी और रानी की प्रेम कहानी' या चित्रपटाचा रिव्ह्यू सोशल मीडियावर शेअर केला आहे. 'रॉकी और रानी की प्रेम कहानी' हा चित्रपट नेटकऱ्यांना कसा वाटला? याबाबत जाणून घेऊयात ...
नेटकऱ्यांनी 'रॉकी और रानी की प्रेम कहानी' या चित्रपटाचे रिव्ह्यू सोशल मीडियावर शेअर करायला सुरुवात केली आहे. रणवीर सिंह आणि आलिया भट्टा यांचा 'रॉकी और रानी की प्रेम कहानी' हा चित्रपट काही नेटकऱ्यांना आवडला आहे .नेटकऱ्यांनी रॉकी और रानी की प्रेम कहानी या चित्रपटामधील रणवीर आणि आलियाच्या केमिस्ट्रीचे कौतुक केले आहे.
नेटकऱ्यांचे ट्वीट्स
एका नेटकऱ्यानं ट्वीटमध्ये लिहिलं,' या चित्रपटात सर्व इमोशन्स आहेत. ' तर दुसऱ्या युझरनं लिहिलं, 'मला रणवीरचा अभिनय आवडला आहे. मी आलियासाठी हा चित्रपट बघायला आले होते,पण रणवीरनं माझं लक्ष वेधून घेतलं. खूप छान चित्रपट आहे.'
'रॉकी और रानी की प्रेम कहानी'मधून करण जोहरने सात वर्षांनी दिग्दर्शनात पुनरागमन केले आहे. या चित्रपटाचं कथानक इशिता मोईत्रा, शशांक खेतान आणि सुमित रॉय यांनी लिहिले आहे. धर्मा प्रॉडक्शन आणि वायकॉम18 स्टुडिओज यांनी या चित्रपटाची निर्मिती केली आहे. हा चित्रपट परस्परविरोधी व्यक्तिमत्त्व असलेल्या जोडप्यावर आधारित आहे जे प्रेमात पडतात आणि लग्न करण्यापूर्वी तीन महिने एकमेकांच्या कुटुंबासोबत राहण्याचा निर्णय घेतात.
इतर महत्वाच्या बातम्या
Rocky Aur Rani Ki Prem Kahani Review : 'रॉकी और रानी की प्रेम कहानी'... मनोरंजनाचे उत्तम पॅकेज