Ranbir Kapoor Ramayana Shooting Date Update : बॉलिवूड अभिनेता रणबीर कपूरचा (Ranbir Kapoor) 'अॅनिमल' (Animal) हा सिनेमा बॉक्स ऑफिसवर धमाकेदार कामगिरी करत आहे. या बहुचर्चित सिनेमामुळे सध्या तो चर्चेत आहे. 'अॅनिमल' या सिनेमानंतर रणबीर आता 'रामायण'च्या शूटिंगला सुरुवात करणार आहे. या सिनेमात तो रामाच्या भूमिकेत दिसणार आहे.
रणबीर कपूरचं (Ranbir Kapoor) नाव काही महिन्यांपूर्वी नितेश तिवारी आणि मधु मंतेना यांच्या आगामी 'रामायण' या सिनेमासोबत जोडलं गेलं आहे. या सिनेमासंदर्भात नव-नवे अपडेट्स समोर येत आहेत. दाक्षिणात्य मनोरंजनसृष्टीतील लोकप्रिय अभिनेत्री साई पल्लवी (Sai Pallavi) 'रामायण' या सिनेमाच्या माध्यमातून बॉलिवूडमध्ये पदार्पण करणार आहे. तसेच 'केजीएफ' फेम यशदेखील या सिनेमात महत्त्वाच्या भूमिकेत असणार आहे.
'रामायण'च्या शूटिंगला कधी होणार सुरुवात (Ramayana Shooting Date Update)
नितेश तिवारी आणि मधु मंतेना यांचा आगामी 'रामायण' हा सिनेमा रिलीजआधीपासून खूप चर्चेत आहे. या सिनेमासंदर्भात नव-नवे अपडेट्स समोर येत आहे. मीडिया रिपोर्टनुसार, 'रामायण' या सिनेमात रणबीर कपूर आणि साई पल्लवी राम आणि सीताच्या भूमिकेत दिसणार आहेत. तसेच दाक्षिणात्य सुपरस्टार यश रावणाच्या भूमिकेत दिसणार आहे.
'रामायण' या सिनेमाच्या शूटिंगला लवकरच सुरुवात होणार आहे. नितेश तिवारी आणि मधु मंतेना 'रामायण' या सिनेमाच्या शूटिंगला 2024 मध्ये सुरुवात करणार आहेत. अद्याप नितेश तिवारी आणि मधु मंतना यांनी 'रामायण' सिनेमाच्या शूटिंगबद्दलची अधिकृत माहिती दिलेली नाही.
रणबीर कपूर स्टार 'रामायण' या सिनेमात प्रेक्षकांना VFX पाहायला मिळणार आहे. या सिनेमाचं ब्लूप्रिंट तयार आहे. या सिनेमाची स्टोरीलाइन खूपच जबरदस्त आहे. दाक्षिणात्य सुपरस्टार यश या सिनेमात रावणाच्या भूमिकेत दिसणार असून सनी देओल हनुमानाच्या भूमिकेत दिसणार आहे.
रणबीरचे आगामी सिनेमे (Ranbir Kapoor Upcoming Movies)
नितेश तिवारी आणि मधु मंतेना यांच्या 'रामायण' या सिनेमात रणबीर कपूर मुख्य भूमिकेत झळकणार आहे. या सिनेमासह रणबीरचे अनेक सिनेमे पाईपलाईनमध्ये आहेत. रणबीरकडे अनेक बिग बजेट सिनेमे आहेत. 'अॅनिमल पार्क' आणि 'ब्रह्मास्त्र 2' या सिनेमातही रणबीर झळकणार आहे. रणबीरला नुकतच मुंबई विमानतळावर स्पॉट करण्यात आलं आहे. रणबीरच्या आगामी सिनेमांची चाहते आतुरतेने वाट पाहत आहेत.
संबंधित बातम्या