Raju Srivastav Death : अभिनेता आणि कॉमेडियन राजू श्रीवास्तव (Raju Srivastav Death) यांचं निधन झालं आहे. वयाच्या 59 व्या वर्षी त्यांनी अखेरचा श्वास घेतला. राजू श्रीवास्तव यांची गेल्या काही दिवसांपासून प्रकृती बिघडली होती. त्यांच्यावर एम्स रुग्णालयाचत उपचार सुरु होते. आता त्यांच्या निधनानं मनोरंजनसृष्टीमध्ये शोककळा पसरली आहे. राजू श्रीवास्तव यांच्या निधनानंतर त्यांच्या कुटुंबाला धक्का बसला आहे. नुकत्याच एका मुलाखतीमध्ये शिखा श्रीवास्तव यांनी त्यांच्या भावना व्यक्त केल्या.
काय म्हणाल्या शिखा श्रीवास्तव?
राजू श्रीवास्तव यांची पत्नी शिखा श्रीवास्तव यांनी ईटाइम्सला दिलेल्या मुलाखतीमध्ये सांगितलं की, 'मी सध्या काही बोलण्याच्या स्थितीत नाहीये. मी आता तुमच्यासोबत काय बोलू? त्यांनी लढाई लढली. मला आशा वाटत होती की ते बरे होतील. मी त्यांच्यासाठी प्रर्थना करत होते. मी आता फक्त एवढंच बोलू शकते की, ते खरे योद्धा होते.' 1993 मध्ये राजू आणि शिखा यांचे लग्न झाले. त्यांना मुलगी अंतरा आणि मुलगा आयुष्मान ही दोन मुलं आहेत.
सलमान खानच्या मैने प्यार किया या चित्रपटातील त्यांच्या विनोदी अभिनयानं अनेकांची मनं जिंकली. राजू श्रीवास्तव यांनी अनेक चित्रपट आणि कार्यक्रमांमध्ये काम केलं. 'बिग बॉस 3', 'नच बलिए' आणि 'कॉमेडी नाइट्स विद कपिल' या कार्यक्रमामध्ये देखील राजू यांनी सहभाग घेतला होता. राजू यांनी करिअरची सुरुवात स्टेज शोमधून केली. अनेक चित्रपट आणि मालिकांमध्ये राजू यांनी काम केलं. राजू यांच्या कॉमिक टायमिंगला प्रेक्षकांची पसंती मिळाली. राजू यांचा चाहता वर्ग मोठा आहे. ‘द किंग ऑफ कॉमेडी’ असंही राजू श्रीवास्तव यांना म्हणलं जातं. तसेच त्यांच्या ‘गजोधर भैय्या’ या भूमिकेला देखील प्रेक्षकांची विशेष पसंती मिळाली. आता त्यांच्या निधनानंतर मनोरंजनसृष्टीमध्ये शोककळा पसरली आहे.
पंतप्रधान नरेंद्र मोदी, मुख्यमंत्री एकनाथ शिंदे आणि कलाक्षेत्रातील अनेक कलाकारांनी सोशल मीडियावर पोस्ट शेअर करुन राजू यांना श्रद्धांजली वाहिली आहे. राजू श्रीवास्तव यांच्या पार्थिवावर आज (22 सप्टेंबर) सकाळी 10 वाजता दिल्लीतील निगम बोध येथे अंत्यसंस्कार होणार आहेत. तर सकाळी 8 वाजता दशरथपुरी येथून अंत्ययात्रा निघणार आहे.
वाचा इतर महत्त्वाच्या बातम्या :