Radhe Shyam : प्रभासचा 'राधे श्याम' आता ओटीटीवर येणार, 'या' भाषेत होणार प्रदर्शित

Radhe Shyam : 1 एप्रिलपासून 'राधे श्याम' सिनेमा प्रेक्षकांना अॅमेझॉन प्राइम व्हिडिओवर पाहता येणार आहे.

Radhe Shyam On Ott : दाक्षिणात्य सुपरस्टार प्रभास (Prabhas) आणि पूजा हेगडेचा (Pooja Hegde) 'राधे श्याम' (Radhe Shyam) सिनेमा प्रेक्षकांना 1 एप्रिलपासून अॅमेझॉन प्राइम व्हिडिओवर पाहता येणार आहे. 

राधा कृष्ण कुमारने 'राधे श्याम' सिनेमाच्या दिग्दर्शनाची धुरा सांभाळली आहे. या रोमॅंटिक सिनेमात पूजा हेगडे, सचिन खेडेकर, प्रियदर्शी पुलीकोंडा, भाग्यश्री, जगपती बाबू, मुरली शर्मा, कुणाल रॉय कपूर, रिद्धी कुमार, साशा छेत्री, सत्यान मुख्य भूमिकेत आहेत.

'राधे श्याम' सिनेमा तेलुगू, तामिळ, मल्याळम आणि कन्नड भाषेत अॅमेझॉन प्राइम व्हिडीओवर प्रदर्शित होणार आहे. या सिनेमाने बॉक्स ऑफिसवरदेखील चांगली कमाई केली आहे. हा सिनेमा 11 मार्चला तेलुगू, हिंदी, तामिळ, कन्नड आणि मल्याळम अशा पाच भाषांमध्ये प्रदर्शित झाला होता. प्रभास आणि पूजा हेगडे या सिनेमात मुख्य भूमिकेत आहेत. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha