R Madhavan on 3 Idiots : आर. माधवन आणि चेतन भगतमध्ये ट्विटरवर शाब्दिक युद्ध

R Madhavan on 3 Idiots : आर माधवन आणि चेतन भगतचे ट्विटरवर शाब्दिक युद्ध झाले आहे. चेतन भगतने आर माधवनच्या कारकिर्दीवर टिका केली आहे.

R Madhavan on 3 Idiots : अभिनेता आर माधवन (R Madhavan) आणि लेखक चेतन भगत (Chetan Bhagat) सोशल मीडियावर सध्या चर्चेत आहेत. दोघांचे ट्विटरवर शाब्दिक युद्ध झाले आहे. नेटफ्लिक्सवर दोघांचा  'Decoupled' नावाचा एक कार्यक्रम प्रदर्शित झाला आहे. या कार्यक्रमात माधवनला भारतातील सर्वाधिक विक्री करणारा लेखक म्हणून पाहिले जाते. चेतन भगतने नेटफ्लिक्सचे एक ट्विट शेअर केले आहे. ट्विट शेअर करत त्याने लिहिले आहे,"माझी पुस्तके आणि त्यावर बनलेले सिनेमे अप्रतिम आहेत". या ट्विटवर कमेंट करण्यापासून आर माधवन स्वत:ला रोखू शकले नाही. आर माधवनने लिहिले आहे,"मला कादंबरी जास्त आवडली".

माधवन आणि चेतन भगतमध्ये शाब्दिक युद्ध 
माधवनच्या उत्तरावर चेतन भगतने लिहिले आहे,"चित्रपटांपेक्षा पुस्तके चांगली आहेत असे म्हणाताना तुम्ही कोणाला ऐकले आहे का?" त्यावर माधवनले लिहिले आहे,"हो 3 इडियट्स."  3 इडियट्स लिहित माधवनने काही विनोदी इमोजीदेखील पोस्ट केली आहेत. त्यावर चेतन भगतने लिहिले आहे, तु माझ्यासमोर 3 इडियट्सचा फडशा पाडतोय? मला शिकवू नकोस, आता तुला मी लिहिलेल्या पुस्तकांचे वाचन करणे गरजेचे आहे".

यावर माधवनने उत्तर देत लिहिले आहे, जर तुम्हाला पुस्तके एवढी आवडतात. तर तुम्ही माझ्या कार्यक्रमात काय करताय? त्यावर चेतन भगत म्हणाला, लोक मला माझ्या नावाने ओळखतात. एका सिनेमाच्या नावाने नाही". नेटफ्लिक्सवर डीकपल्ड कार्यक्रम प्रदर्शित झालेला आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha