Priyanka Chahar Choudhary Controversy : 'बिग बॉस 16'च्या (Bigg Boss 16) माध्यमातून घराघरांत पोहोचलेली अभिनेत्री म्हणजे प्रियांका चहर चौधरी (Priyanka Chahar Choudhary) सध्या अडचणीत आहे. अभिनेत्रीवर चोरीचा आरोप करण्यात आला आहे. तसेच लवकरच तिच्या गुन्हा दाखल होण्याची शक्यता वर्तवली जात आहे.
नेमकं प्रकरण काय?
प्रियांका चहर चौधरीवर कपडे चोरल्याचा आणि स्टाईल कॉपी करण्याचा आरोप करण्यात आला आहे. त्यामुळे अभिनेत्रीवर आता गुन्हा दाखल होण्याची शक्यता आहे. लोकप्रिय फॅशन डिझायनर इशिताने दावा केला आहे की, प्रियांकाने तिचे ब्रॅंडेड कपडे चोरले आहेत आणि तिची स्टाईलदेखील कॉपी केली आहे.
प्रियांका चहर चौधरीने गेल्या काही दिवसांपूर्वी सोशल मीडियावर काही फोटो शेअर केले होते. या फोटोमध्ये तिने बेज रंगाचा एक ड्रेस परिधान केल्याचं दिसून येत आहे. प्रियांकाचे हे फोटो पाहिल्यानंतर फॅशन डिझायनर इशिताने दावा केला होता की, प्रियांकाने परिधान केलेले कपडे माझ्या ब्रॅंडचे असून तिने माझी स्टाईलदेखील कॉपी केली आहे".
इशिताने ट्वीट करत प्रियांकावर गंभीर आरोप केला होता. पण नंतर तिने हे ट्वीट डिलीट केलं. इशाने ट्वीट केलं होतं की,"प्रियांका माझ्यासारखं दिसण्याचा प्रयत्न करत आहे. माझ्यासारखं दिसण्यासाठी ती माझे कपडे आणि स्टाईल कॉपी करत आहे. माझे 30 हजार पौंड किंमतीचे कपडे तिने चोरले आहेत".
इशिताने दुसरं ट्वीट करत लिहिलं होतं,"कपडे चोरल्यामुळे मी तिला चांगलचं सुनावलं आहे. नक्की दुश्मन कोण आहे तेच कळत नाही. पण मला यावर भाष्य करायचं नाही. मी तिला ब्लॉक केल्यानंतरही ती मला स्टॉक करत असेल तर मी काहीही करू शकत नाही".
इशिताने मुंबई पोलिसांना टॅग करत आणखी एक ट्वीट केलं आहे. तिने लिहिलं आहे,"प्रियांकाने खोटोपणाचा आधार घेतला आहे. तिने जग माझ्याकडे कपडे मागितले असते तर मी दिले असते. सध्या मी परदेशात असल्याने प्रियांका चहर चौधरीविरोधात तक्रार दाखल केलेली नाही. पण भारतात आल्यावर तक्रार दाखल करू शकते".
संबंधित बातम्या