Prarthana Behere : अभिनेत्री प्रार्थना बेहेरे (Prarthana Behere) मराठी मनोरंजनसृष्टीतील लोकप्रिय अभिनेत्री आहे. आता अभिनेत्रीने नवी इनिंग सुरू केली आहे. प्रार्थनाने स्वत:चा व्यवसाय सुरू केला आहे. सोशल मीडियाच्या माध्यमातून तिने चाहत्यांना आनंदाची बातमी दिली आहे.
प्रार्थना बेहेरेचा नवा व्यवसाय (Prarthana Behere New Business)
प्रार्थनाने साड्यांचा ब्रँड सुरू केला आहे. 'वी नारी' असे या ब्रँडचे नाव आहे. इंस्टा लाईव्ह येत अभिनेत्रीने चाहत्यांना या ब्रँडची माहिती दिली आहे. प्रार्थनाने लिहिलं आहे,"स्वत:चा ब्रँड सुरू करण्याची माझी खूप इच्छा होती. गेल्या काही दिवसापासून या दिवसाची वाट पाहत होते. आता मी आणि माझ्या नणंदेने मिळून आम्ही एक ब्रँड सुरू केला आहे".
प्रार्थना पुढे म्हणाली,"वी नारी' असं या ब्रँडचं नाव आहे. हा साड्यांचा ब्रँड आहे. आजपासून नवरात्रोत्सव सुरू होत आहे. त्यामुळे नऊ दिवसांसाठी नऊ रंगाच्या साड्या तुम्हाला इथे मिळतील. या साड्या कशा खरेदी करायच्या यासंदर्भात लवकरच माहिती देईल. नवरात्रोत्सवाच्या पहिल्या दिवशी मी माझ्या नव्या व्यवसायाची सुरुवात करत आहे. तुमचे आशीर्वाद आणि शुभेच्छा कायमच सोबत राहुद्या". प्रार्थनाने साडीची झलकही चाहत्यांसोहत शेअर केली आहे.
प्रार्थना बेहेरेबद्दल जाणून घ्या... (Who is Prarthana Behere)
प्रार्थना बेहेरे लोकप्रिय अभिनेत्री आहे. अनेक हिंदी मराठी सिनेमांत आणि मालिकांमध्ये तिने काम केलं आहे. एकता कपूरच्या 'पवित्र रिश्ता' या मालिकेच्या माध्यमातून तिने मनोरंजनसृष्टीत पाऊल ठेवलं. पहिल्याच मालिकेने ती लोकप्रियतेच्या शिखरावर पोहोचली. प्रार्थनाची 'माझी तुझी रेशीमगाठ' ही मालिका काही दिवसांपूर्वी प्रेक्षकांच्या भेटीला आली होती. आता या मालिकेच्या दुसऱ्या भागाची प्रेक्षकांना प्रतीक्षा आहे.
प्रार्थनाने 2009 मध्ये 'रीटा' या सिनेमाच्या माध्यमातून सिनेसृष्टीत पदार्पण केलं. जय महाराष्ट्र ढाबा भटिंगा, वक्रतुंड महाकाय, मितवा, मिस्टर अँड मिसेस सदाचारी, फुगे अशा अनेक सिनेमांचा प्रार्थना भाग आहे. प्रार्थना वर्षाला 10 ते 15 कोटींची कमाई करते. प्रार्थना लवकरच एका चांगल्या कलाकृतीच्या माध्यमातून प्रेक्षकांच्या भेटीला येईल.
संबंधित बातम्या