Pathaan Box Office Collection : अभिनेता शाहरुख खान (Shah Rukh Khan) आणि अभिनेत्री दीपिका पादुकोण (Deepika Padukone) यांचा अॅक्शन थ्रिलर चित्रपट पठाण (Pathaan) हा सध्या बॉक्स ऑफिसवर धुमाकूळ घालत आहे. हा चित्रपट शाहरुखसाठी खास आहे कारण या चित्रपटाच्या माध्यमातून शाहरुखने रुपेरी पडद्यावर पुनरागमन केलं. शाहरुखच्या या कमबॅकची त्याचे चाहते उत्सुकतेने वाट बघत होते. शाहरुखच्या पठाणमधील डायलॉग्सला आणि अॅक्शन सीन्सला प्रेक्षकांची पसंती मिळत आहे. हा चित्रपट रिलीज होऊन 19 दिवस झाले आहेत. आता या चित्रपटाने रिलीजनंतर तिसऱ्या रविवारी म्हणजेच 12 फेब्रुवारी कोट्यवधींचे कमाई केली आहे. जाणून घेऊयात या चित्रपटाच्या कमाईबद्दल....
पठाणचं 19 व्या दिवसाचं कलेक्शन
पठाण हा चित्रपट रिलीज होऊन 19 दिवस झाले आहेत. तरी देखील पठाण फीवर कमी होत नाहीय. 19 व्या दिवशी म्हणजेच रविवारी (12 फेब्रुवारी) या चित्रपटाने 13 कोटींची कमाई केली आहे. आता हा चित्रपट लवकरच 500 कोटींच्या क्लबमध्ये सामील होईल, असं म्हटलं जात आहे. या चित्रपटाने भारतातील बॉक्स ऑफिसवर 489.05 कोटींची कमाई केली.
पठाणची रेकॉर्ड ब्रेक कमाई
दिग्दर्शन सिद्धार्थ आनंदच्या पठाण या चित्रपटानं बॉक्स ऑफिसवरील अनेक चित्रपटांचे रेकॉर्ड तोडले आहेत. तरण आदर्शने दिलेल्या माहितीनुसार, पठाण चित्रपटाने 300 कोटींच्या क्लबमध्ये सर्वात लवकर सामील होणारा चित्रपट ठरला. बाहुबली-2 हिंदी (10 दिवस), 'केजीएफ 2' हिंदी (11 दिवस), दंगल (13 दिवस), संजू (16 दिवस), टायगर जिंदा है (16 दिवस), पिके (17) वॉर (19), बजरंगी भाईजान (20 दिवस), सुल्तान (35 दिवस) या चित्रपटांना मागे टाकत पठाण हा सर्वात कमी दिवसात 300 कोटींच्या क्लबमध्ये सामील होणारा चित्रपट ठरला.
पठाण चित्रपटात शाहरुख खान रॉ एजंटच्या भूमिकेत
पठाण चित्रपटात शाहरुख आणि दीपिकासोबतच, जॉन अब्राहम, आशुतोष राणा आणि डिंपल कपाडिया या कलाकरांनी प्रमुख भूमिका साकारली आहे. तसेच, या चित्रपटात अभिनेता सलमान खानने देखील कॅमिओ केला आहे. शाहरुखने पठाण चित्रपटात एका रॉ एजंटची भूमिका साकारली आहे. हा चित्रपट बॉक्स ऑफिसवर धुमाकूळ घालत आहे. पठाण चित्रपटामधील गाण्याला प्रेक्षकांची पसंती मिळत आहे. या चित्रपटामधील झुमे जो पठाण आणि बेशरम रंग या दोन गाण्यांवरील रिल्स नेटकरी सोशल मीडियावर शेअर करत आहेत. बेशरम रंग या गाण्यातील दीपिका आणि शाहरुखच्या केमिस्ट्रीला प्रेक्षकांची विशेष पसंती मिळाली. या चित्रपटाचं दिग्दर्शन सिद्धार्थ आनंदने केलं आहे.
वाचा इतर महत्वाच्या बातम्या: