OTT Web Series : मे (May) महिन्यात ओटीटीवर प्रेक्षकांना मनोरंजनाची मेजवानी मिळणार आहे. नेटफ्लिक्स, हॉटस्टार, प्राईम व्हिडीओ, झी 5, जिओ सिनेमा अशा अनेक ओटीटी प्लॅटफॉर्मवर मे महिन्यात अनेक धमाकेदार चित्रपट आणि वेबसीरिज रिलीज होणार आहेत. या चित्रपट आणि वेबसीरिजमध्ये संजय लीला भन्साळी यांच्या बहुचर्चित 'हीरामंडी' (Heeramandi) या वेबसीरिजचादेखील समावेश आहे. जाणून घ्या मे महिन्यात ओटीटीवर काय-काय रिलीज होणार...
हीरामंडी : द डायमंड बाजार
कधी रिलीज होणार? 1 मे
कुठे पाहता येईल? नेटफ्लिक्स
हीरामंडी ही बहुचर्चित वेबसीरिज प्रेक्षकांना नेटफ्लिक्स या ओटीटी प्लॅटफॉर्मवर पाहता येणार आहे. संजय लीला भन्साळी यांनी या सीरिजचं दिग्दर्शन केलं आहे. सोनाक्षी सिन्हा, मनीषा कोइराला, संजीदा शेख, अदिती राव हैदरी, रिचा चड्ढा, शेखर सुमन, फरदीन खान, अध्यन सुमन या सीरिजमध्ये मुख्य भूमिकेत आहेत.
सिटाडेल (Citadel)
कुठे पाहता येईल? प्राईम व्हिडीओ
वरुण धवन आणि समंथा रुथ प्रभू यांची 'सिटाडेल : हनी बनी' ही सीरिज मे महिन्याच्या शेवटच्या आठवड्यात प्राईम व्हिडीओवर रिलीज होऊ शकते. थरार, नाट्य असणाऱ्या या वेबसीरिजची चाहत्यांना उत्सुकता आहे.
द ब्रोकन न्यूज सीझन 2 (The Broken News 2)
कधी रिलीज होणार? 3 मे
कुठे पाहता येईल? झी 5
'द ब्रोकन न्यूज सीझन 2' प्रेक्षकांच्या पसंतीस उतरला होता. या सीरिजमध्ये सोनाली बेंद्रे, जयदीप अहलावत आणि श्रेया पिळगांवकर मुख्य भूमिकेत होते. ही सीरिज प्रेक्षकांना 3 मे 2024 रोजी झी 5 या ओटीटी प्लॅटफॉर्मवर पाहता येईल.
वीमेन ऑफ माय बिलियन
वीमेन ऑफ माय बिलियन हा माहितीपट 3 मे 2024 रोजी प्राईम व्हिडीओ या ओटीटी प्लॅटफॉर्मवर रिलीज होणार आहे. या माहितीपटात एका महिलेची गोष्ट दाखवण्यात आली आहे.
शैतान
कधी रिलीज होणार? 3 मे 2024
कुठे पाहता येईल? नेटफ्लिक्स
अजय देवगन आणि आर.माधवन यांचा शैतान या चित्रपटाला प्रेक्षकांचा चांगला प्रतिसाद मिळाला होता. आता प्रेक्षक या चित्रपटाच्या ओटीटी रिलीजची प्रतीक्षा करत आहेत. 3 मे 2024 रोजी नेटफ्लिक्सवर हा चित्रपट रिलीज होणार आहे.
मंजुम्मेल बॉइज
कधी रिलीज होणार? 5 मे 2024
कुठे पाहता येईल? डिज्नी प्लस हॉटस्टार
मंजुम्मेज बॉइज हा चित्रपट सिनेमागृहात धमाका केल्यानंतर आता ओटीटीवर रिलीज होण्यासाठी सज्ज आहे. मल्याळमसह तेलुगू, तामिळ, मल्याळम, कन्नड आणि हिंदी या भाषांमध्ये हा सिनेमा रिलीज होणार आहे.
द आयडिया ऑफ यू
द आयडिया ऑफ यू हा रोमँटिक, विनोदी चित्रपट आहे. 2 मे 2024 पासून प्रेक्षक प्राईम व्हिडीओवर हा सिनेमा पाहू शकतात.
हॅक्स
हॅक्स सीझन 3 चा प्रीमिअर 2 मे 2024 रोजी होणार आहे.
वीर सावरकर
रंदीप हुड्डाचा वीर सावरकर हा चित्रपट प्रेक्षकांना झी 5 या ओटीटी प्लॅटफॉर्मवर पाहता येणार आहे.
संबंधित बातम्या