November Movie Release : ऑक्टोबर महिना दाक्षिणात्य सिनेमांनी गाजवला. लियो, भगवंत केसरी, टायगर नागेश्वर राव, घोस्ट असे अनेक सिनेमे या महिन्यात प्रदर्शित झाले. तर दुसरीकडे 'गणपत' आणि 'तेजस' हे बॉलिवूडपटही प्रदर्शित झाले. पण दाक्षिणात्य सिनेमे पाहायला प्रेक्षकांनी पसंती दर्शवली. आता नोव्हेंबर (November Movie Release) महिनाही मनोरंजनसृष्टीसाठी खूप खास असणार आहे. सलमानचा (Salman Khan) 'टायगर 3' (Tiger 3) ते राज कुंद्राचा (Raj Kundra) 'यूटी 69' (UT 69) असे अनेक सिनेमे प्रेक्षकांच्या भेटीला येणार आहेत.
टायगर 3 (Tiger 3)
कधी प्रदर्शित होणार? 12 नोव्हेंबर
'टायगर 3' हा नोव्हेंबर महिन्यातील बिग बजेट सिनेमा आहे. सलमान खानच्या (Salman Khan) या सिनेमाची चाहत्यांना उत्सुकता आहे. 'टायगर 3' हा सिनेमा बॉक्स ऑफिसवर सुपरहिट होणार असल्याचं म्हटलं जात आहे. या सिनेमात सलमान कतरिना कैफसोबत स्क्रीन शेअर करताना दिसणार आहे. शाहरुखची झलकही प्रेक्षकांना पाहायला मिळेल.
यूटी 69 (UT 69)
कधी प्रदर्शित होणार? 3 नोव्हेंबर
बॉलिवूड अभिनेत्री शिल्पा शेट्टीचा (Shilpa Shetty) पती राज कुंद्रा (Raj Kundra) आता अभिनयक्षेत्रात पदार्पण करण्यासाठी सज्ज आहे. राज कुंद्रा 'यूटी 69' (Ut 69) या सिनेमाच्या माध्यमातून अभिनयक्षेत्रात पाऊल ठेवणार आहे. कुंद्रानेच या सिनेमाचं दिग्दर्शन केलं आहे.
खिचडी 2 (Khichdi 2)
कधी प्रदर्शित होणार? 17 नोव्हेंबर
'खिचडी' हा विनोदी सिनेमा प्रेक्षकांच्या पसंतीस उतरला होता. आता या सिनेमाचा दुसरा भाग अर्थात 'खिचडी 2' (Khichdi 2) प्रेक्षकांच्या मनोरंजनासाठी सज्ज आहे. 'खिचडी 2' हा सिनेमा 17 नोव्हेंबर 2023 रोजी सिनेमागृहात प्रदर्शित होणार आहे. या सिनेमात सुप्रिया पाठक, राजीव मेहता, अनग देसाई, वंदना पाठक, जमनादास मजेठिया, कीर्ती कुल्हरी हे कलाकार महत्त्वाच्या भूमिकेत झळकणार आहेत.
लकीरें (Lakeerein)
कधी प्रदर्शित होणार? 3 नोव्हेंबर
'लकीरें' हा सिनेमा 3 नोव्हेंबरला प्रेक्षकांच्या भेटीला येणार आहे. दुर्गेश पाठकने या सिनेमाच्या दिग्दर्शनाची धुरा सांभाळली आहे. आषुतोष राणा आणि बिदिता बाग या सिनेमात महत्त्वाच्या भूमिकेत आहेत.
फर्रे (Farrey)
कधी प्रदर्शित होणार? 24 नोव्हेंबर
'फर्रे' हा सिनेमाही 24 नोव्हेंबर 2023 रोजी प्रजर्शित होणार आहे. या सिनेमात अलीजेह अग्नीहोत्री, जुही बब्बर, प्रसन्ना बिष्ट आणि साहिल मेहता महत्त्वाच्या भूमिकेत आहेत. सलमान खानच्या प्रोडक्शन अंतर्गत या सिनेमाची निर्मिती करण्यात आली आहे.
संबंधित बातम्या