Satyameva Jayate 2 New Trailer: जॉन अब्राहमचा (John Abraham) आगामी 'सत्यमेव जयते 2' सिनेमा प्रेक्षकांच्या भेटीसाठी सज्ज आहे. या सिनेमात जॉन भ्रष्टाचाराच्या विरोधात लढताना दिसून येणार आहे. नुकतेच जॉनने त्याच्या आगामी सिनेमाचा नवा ट्रेलर सोशल मीडियावर शेअर केला आहे. सिनेमात अॅक्शनचा तडका असणार आहे, असा ट्रेलरवरुन अंदाज येत आहे. या सिनेमात जॉन तीन पात्र साकारणार आहे. दिव्या खोसला कुमार (Divya Khosla Kumar), राजीव पिल्लई आणि अनुप सोनी सिनेमात मुख्य भूमिकेत दिसून येणार आहेत.
जाणून घ्या सिनेमा कधी प्रदर्शित होणार
'सत्यमेव जयते 2' सिनेमा 'सत्यमेव जयते' सिनेमाचाच पुढचा भाग असणार आहे. यात जॉनने एका पोलिस अधिकाऱ्याची भूमिका स्विकारली आहे. प्रेक्षक या सिनेमाची प्रतिक्षा करत आहेत. चित्रपटात शेतकऱ्यांच्या हक्कांसाठी दिव्या संघर्ष करताना दिसून येणार आहे. 2018 साली प्रदर्शित झालेला 'सत्यमेव जयते'देखील भ्रष्टाचारावर भाष्य करणारा होता. तर 'सत्यमेव जयते 2' मध्ये भ्रष्टाचार अधिक विस्तारात दाखवण्यात येणार आहे. हा सिनेमा 25 नोव्हेंबरला सिनेमागृहात प्रदर्शित होणार आहे.
जॉन अब्राहमचे आगामी सिनेमे
'सत्यमेव जयते 2' सिनेमातील गाणी प्रेक्षकांच्या पसंतीस पडत आहेत. हा सिनेमा मे महिन्यात प्रदर्शित होणार होता. पण कोरोनाचा वाढता प्रादुर्भाव लक्षात घेता सिनेमा प्रदर्शित होण्याची तारीख पुढे ढकलण्यात आली. जॉन लवकरच 'एक विलेन रिटर्न्स' या सिनेमात दिसणार आहे. हा सिनेमा मोहित सूरी दिग्दर्शित करत आहेत. तारा सुतारिया, दिशा पटानी आणि अर्जुन कपूरच्या या सिनेमात मुख्य भूमिका आहेत.
संबंधित बातम्या
Films On Real-Life Incidents: 'जय भीम'सह सत्य घटनेवर आधारित हे सिनेमे करतात प्रेक्षकांचे मनोरंजन
Govinda Naam Mera: 'गोविंदा नाम मेरा': विकी कौशलच्या नव्या चित्रपटाची चर्चा; भूमी आणि कियाराचा हटके लूक
प्रेक्षकांसाठी यंदाचा आठवडा ठरणार खास, OTT प्लॅटफॉर्मवर मनोरंजनाची मेजवाणी
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha