Bishan Singh Bedi Death: माजी क्रिकेटपटू बिशनसिंह बेदी (Bishan Singh Bedi) यांचे निधन झाले आहे. वयाच्या 77 व्या वर्षी त्यांनी अखेरचा श्वास घेतला. बिशनसिंह बेदी यांच्या निधनानं क्रिकेट विश्वावर शोककळा पसरली आहे. बिशनसिंह बेदी यांचा मुलगा अंगद बेदी (Angad Bedi) हा अभिनेता आहे. तसेच बिशनसिंह बेदी यांची सून नेहा धुपिया (Neha Dhupia) हे देखील मनोरंजन क्षेत्रात काम करते. बिशनसिंह बेदी यांच्या निधनानंतर बेदी कुटुंबावर दु:खाचा डोंगर कोसळला आहे.
बिशनसिंह बेदी यांनी 'या' चित्रपटात केलं काम
बिशनसिंग बेदी यांनी एका चित्रपटात काम केले होते. त्यांनी अभिषेक बच्चन आणि सैयामी खेर यांच्या 'घूमर' चित्रपटात काम केलं होतं. या चित्रपटात बिशनसिंह बेदी यांचा मुलगा अंगद बेदीने महत्वाची भूमिका साकारली आहे. वडिलांसोबत चित्रपटात काम करण्याबाबत अंगदने एका मुलाखतीत सांगितले होते की, 'वडिलांसोबत चित्रपटात काम करणे हे, माझ्यासाठी एक स्वप्न पूर्ण होण्यासारखे आहे. माझे वडील केवळ महान क्रिकेटपटूच नाहीत तर एक चांगले माणूसही आहेत. या अप्रतिम चित्रपटात माझे वडील दिसणार आहेत. मी खूप उत्सुक आहे."
शाहरुखनं व्यक्त केला शोक
अभिनेता शाहरुख खाननं ट्वीट शेअर करुन बिशनसिंह बेदी यांना श्रद्धांजली वाहिली आहे. त्यानं ट्वीटमध्ये लिहिलं, "आपण आपल्या सभोवताली पाहतो आणि अनुभवतो की, काही लोकांच्या उत्साहाने आणि निखळ कृपेमुळे आपण मोठे झालो आहोत. बिशनसिंह बेदी हे त्यापैकी एक होते. देव त्यांच्या आत्म्याला शांती देवो. सरांनी आम्हाला खेळ आणि जीवनाबद्दल खूप काही शिकवल्याबद्दल मी त्यांचे आभार मानतो. सर, तुमची खूप आठवण येईल."
इतर महत्वाच्या बातम्या:
माजी कर्णधार बिशनसिंह बेदी यांचं निधन, 77 व्या वर्षी घेतला अखेरचा श्वास