Sobhita Dhulipala On Engagement : अभिनेत्री समंथा रुत प्रभू हिच्यासोबत घटस्फोट घेतल्यानंतर अभिनेता नागा चैतन्य आणि शोभिता धुलिपाला यांच्या डेटिंगच्या बातम्या येत होत्या. त्यानंतर गेल्या महिन्यात दोघांनी गुपचूप साखरपुडा उरकला. 8 ऑगस्ट 2024 रोजी नागा चैतन्य आणि शोभिता धुलिपाला यांनी कुटुंबिय आणि खास मित्रपरिवाराच्या उपस्थितीत साखरपुडा केला. आता शोभिताने पहिल्यांदा साखरपुडा आणि लग्नाबाबत प्रतिक्रिया दिली आहे.
नागाचैतन्यसोबत गुपचूप साखरपुडा करण्याचं नेमकं कारण काय?
शोभिता धुलिपाला आणि नागा चैतन्य लवकरच लग्नबंधनात अडकणार आहेत. दोघांच्या साखरपुड्याचे फोटो समोर आल्यानंतर चाहत्यांनी दोघांना शुभेच्छा दिल्या होत्या. आता अलिकडे नागाचैतन्यसोबतच्या नात्यावर शोभिताने प्रतिक्रिया दिली आहे. नागा चैतन्यसोबत साखरपुडा आणि लग्नाबाबत तिने तिची भूमिका मांडली आहे. याशिवाय मातृत्व आणि इतर विषयावरही शोभिताने चर्चा केली आहे.
नागा चैतन्यसोबत लग्नाआधी शोभिताची प्रेग्नेंसीबाबत प्रतिक्रिया
नुकत्याच एका मुलाखतीत शोभिता धुलिपालाने नागा चैतन्यसोबत तिच्या नात्याबाबत मोकळेपणाने चर्चा केली आहे. यावेळी शोभिताने सांगितलं की, तिने नेहमीच आई बनण्याचं स्वप्न पाहिलं आहे. शोभिताने तिचा साखरपुडा सामान्य नसल्याचं म्हटलं आहे. शोभिताने सांगितलं की, "8 ऑगस्टच्या दिवसाला कोणत्याही सुशोभनाची गरज नाही. मी खूप अपेक्षा किंवा स्वप्ने घेऊन त्या क्षणात जगत नव्हते. मला वाटलं की, तो क्षण खूप आरामदायक, साधा, गोड, जिव्हाळ्याचा आणि उबदार होता. मी कल्पना केली होती, तसंच सर्व काही होतं. म्हणून मी विचार केला नाही की, हा क्षण सामान्य आहे की नाही. जे व्हाययचं होतं, तेच झालं."
लग्न करण्याचं आणि आई होण्याचं स्वप्न
शोभितानेही सांगितलं की, तिने नेहमीच लग्न करण्याचं आणि आई होण्याचं स्वप्न पाहिलं आहे. ती म्हणाली, "मला नेहमीच वाटायचं की, मला मातृत्वाचा पूर्ण अनुभव हवा आहे. मी त्याबद्दल अगदी स्पष्ट होते आणि मला लग्न करण्याची इच्छा देखील होती. मला नेहमीच असे खास क्षण हवे होते की, तेलुगु संस्कृतीचा समावेश करावा. मी खूप कनेक्टेड आहे. माझी मुळे, माझ्या परंपरा, माझ्या पालकांसाठी या गोष्टी आहेत, ज्यांचे मी स्वप्न पाहिले आहे."
8 ऑगस्ट रोजी शोभिता आणि नागा चैतन्यचा साखरपुडा
शोभिता आणि नागा चैतन्य यांनी 8 ऑगस्ट रोजी हैदराबादमध्ये एंगेजमेंट केली होती आणि त्यांच्या लग्नाची तारीख अद्याप जाहीर झालेली नाही. त्यांच्या साखरपुडा सोहळ्याला फक्त त्यांचे कुटुंबिय उपस्थित होते. जोडप्याने त्यांच्या एंगेजमेंटचे फोटो शेअर केल्यानंतर काहींनी त्यांना शुभेच्छा दिल्या, तर सोशल मीडियावर त्यांच्यावर बरीच टीकाही झाली. समंथाच्या चाहत्यांनी नागा चैतन्यवर फसवणूक केल्याचा आरोपही केला.
महत्त्वाच्या इतर बातम्या :