Best Murder Mysteries On OTT : तुम्हालाही क्राइम थ्रिलर मर्डर मिस्ट्री चित्रपट आणि शो पाहणं आवडतं का? तसं असेल तर आज आम्ही तुमच्यासाठी काही उत्कृष्ट चित्रपट आणि शोबद्दल सांगणार आहोत. या शो आणि चित्रपटांमध्ये रोमांचक आणि थरार कथा पाहायला मिळतील. या शोबाबत जाणून घ्या.
धुता
या क्राइम थ्रिलर सीरिजचं दिग्दर्शन विक्रम कुमार यांनी केलं, ज्यामध्ये दाक्षिणात्य अभिनेता नागा चैतन्य, प्राची देसाई, पार्वती थिरुवोथू, प्रिया भवानी शंकर, रवींद्र विजय, ज्ञानेश्वरी कंदरेगुला हे कलाकार मुख्य भूमिकेत झळकले. ही सीरिज सागर या वृत्तपत्राच्या संपादकावर आधारित आहे, जो त्याच्या आजूबाजूला घडणाऱ्या अपघातांच्या मालिकांमध्ये अडकून पडतो. ही सीरिज प्राइम व्हिडीओवर (Amazon Prime Video) पाहता येईल.
ब्रीद
ब्रीद हा चित्रपट मयंक शर्मा यांनी दिग्दर्शित केला. याचित्रपटात आर. माधवन, अमित साध, अथर्व विश्वकर्मा, हृषीकेश जोशी, सपना पब्बी, नीना कुलकर्णी यांच्या प्रमुख भूमिका आहेत. ही थरारक कथा कबीर या क्राइम ब्रँचच्या अधिकाऱ्याभोवती फिरते, जो अवयवदात्यांच्या मृत्यूला जबाबदार असलेल्या व्यक्तीचा शोध घेत आहे. हा चित्रपट प्राइम व्हिडीओवर (Amazon Prime Video) तुम्ही पाहू शकता.
अधुरा
अधुरा या सस्पेन्स हॉरर सीरिजचे दिग्दर्शन गौरव के. चावला आणि अनन्या बॅनर्जी यांनी केलं आहे. ज्यामध्ये इश्वाक सिंग, झोआ मोरानी, रसिका दुगल, श्रेनिक अरोरा, पूजन छाबरा, अर्जुन देसवाल, साहिल सलाथिया, रिजुल रे आणि राहुल देव मुख्य भूमिकेत आहेत. ही सीरिज थ्रिलर निलगिरी व्हॅली स्कूलमध्ये घडणाऱ्या विचित्र घटनांवर आधारित आहे. ही सीरिज तुम्ही प्राइम व्हिडीओवर पाहू शकता.
दहाड
रीमा कागती आणि रुचिका ओबेरॉय दिग्दर्शित दहाड या क्राईम थ्रिलर सीरिजमध्ये सोनाक्षी सिन्हा, विजय वर्मा, गुलशन देवैया, झोआ मोरानी, सोहम शाह, संघमित्रा हितैशी हे कलाकार प्रमुख भूमिकेत आहेत. ही सीरिज अंजली भाटी या पात्राभोवती फिरते, जी सार्वजनिक शौचालयात महिलांच्या मृत्यूच्या मालिकेचा तपास करते.
जाने जान
सुजॉय घोष दिग्दर्शित जाने जान या मिस्ट्री थ्रिलर चित्रपटामध्ये करीना कपूर, जयदीप अहलावत, विजय वर्मा, नाइशा खन्ना, लिन लैश्राम, सौरभ सचदेवा, उदिती सिंग, कर्मा टक्पा हे कलाकार प्रमुख भूमिकेत पाहायला मिळतात. हा चित्रपटा तुम्ही नेटफ्लिक्सवर (Netflix) वर पाहू शकता.
महत्त्वाच्या इतर बातम्या :