Movies Releasing In February 2024: फेब्रुवारी (February 2024) महिना लवकरच सुरू होणार आहे. फेब्रुवारी महिन्यात अनेक चित्रपट थिएटरमध्ये रिलीज होण्यासाठी सज्ज झाले आहेत. फेब्रुवारी महिना सिनेप्रेमींसाठी मनोरंजनाचा ठरणार आहे. बॉलिवूडचे 6 चित्रपट थिएटरमध्ये प्रदर्शित होणार आहेत. या महिन्यात कोणकोणते चित्रपट हे प्रेक्षकांचे मनोरंजन करण्यासाठी रिलीज होणार आहेत? हे जाणून घेऊयात...
'तेरी बातों में ऐसा उलझा जिया' (Teri Baaton Mein Aisa Uljha Jiya)
अभिनेता शाहिद कपूर आणि अभिनेत्री कृती सेनॉन यांच्या 'तेरी बातों में ऐसा उलझा जिया' या चित्रपटाची प्रेक्षक आतुरतेने वाट पाहत आहेत. या चित्रपटाच्या माध्यमातून शाहिद आणि कृती हे पहिल्यांदाच मोठ्या पडद्यावर पाहायला मिळणार आहे. हा चित्रपट 9 फेब्रुवारीला थिएटरमध्ये दाखल होण्यासाठी सज्ज झाला आहे. तसेच या चित्रपटात कृती एका रोबोटची भूमिका साकारताना दिसणार आहे. रोबोट आणि माणसाची भन्नाट प्रेमकहाणी या चित्रपटामध्ये दाखवण्यात येणार आहे. या चित्रपटाचा ट्रेलर काही दिवसांपूर्वी रिलीज झाला होता. या ट्रेलरमध्ये कॉमेडीचा तडक बघायला मिळाला.
'आर्टिकल 370' (Article 370)
अभिनेत्री यामी गौतमचा 'आर्टिकल 370' हा चित्रपट देखील लवकरच थिएटरमध्ये रिलीज होणार आहे. हा चित्रपट 23 फेब्रुवारी 2024 रोजी रिलीज होणार आहे. आर्टिकल 370 या चित्रपटाचं शूटिंग काश्मीरमध्ये करण्यात आले होते आणि या चित्रपटाची कथा एका स्थानिक फील्ड एजंटभोवती फिरते जो एक गुप्त मिशनमध्ये आहे.आर्टिकल 370 या चित्रपटात प्रियामणी, दिव्या सेठ शाह, राज झुत्शी, सुमित कौल, राज अर्जुन, असित गोपीनाथ रेडिज, अश्विनी कुमार, इरावती हर्षे मायादेव हे कलाकार देखील महत्वाची भूमिकेत दिसणार आहेत.
एलएसडी 2 (LSD 2)
2010 मध्ये रिलीज झालेल्या 'लव्ह सेक्स और धोका' या चित्रपटाचा सिक्वेल एलएसडी 2 म्हणजेच 'लव्ह सेक्स और धोका-2' देखील फेब्रुवारीमध्ये रिलीज होणार आहे. हा चित्रपट 16 फेब्रुवारीला थिएटरमध्ये दाखल होणार आहे.
'कुछ खट्टा हो जाए' (Kuch Khattaa Ho Jaay)
गुरु रंधावाचा 'कुछ खट्टा हो जाए' हा चित्रपट 16 फेब्रुवारीला रिलीज होणार आहे. या मल्टीस्टारर चित्रपटात गुरू रंधावाशिवाय अनुपम खेर, सई मांजरेकर, इला अरुण यांसारखे दिग्गज कलाकारही भूमिका साकारणार आहेत.
'सेक्शन 108' (Section 108)
'हड्डी' या चित्रपटानंतर आता नवाजुद्दीन सिद्दीकी 'सेक्शन 108' या चित्रपटातून प्रेक्षकांच्या भेटीला येणार आहे.ज्यामध्ये नवाजुद्दीन एका विमा एजंटच्या भूमिकेत दिसणार आहे.
वाचा इतर महत्वाच्या बातम्या: