Mahesh Manjrekar Movie : महेश मांजरेकरांचा 'नाय वरनभात लोन्चा कोन नाय कोन्चा' येत्या शुक्रवारी सिनेमागृहांत प्रदर्शित

Mahesh Manjrekar Movie : नव्या वर्षात महेश मांजरेकर प्रेक्षकांच्या भेटीला घेऊन येत आहेत 'नाय वरनभात लोन्चा कोन नाय कोन्चा'.

Mahesh Manjrekar Movie : 'अंतिम' सिनेमानंतर महेश मांजरेकर मराठी सिनेमा घेऊन प्रेक्षकांच्या भेटीला आले आहेत. समाजातील वास्तववादी घटनांचे दर्शन घडवण्यात अग्रेसर असणारे निर्माता, दिग्दर्शक, अभिनेते महेश मांजरेकर पुन्हा एकदा आपल्या आगामी चित्रपटाद्वारे सत्य परिस्थिती मांडण्यासाठी सज्ज झाले आहेत. महेश मांजरेकरांचा आगामी 'नाय वरनभात लोन्चा कोन नाय कोन्चा' हा सिनेमा येत्या 14 जानेवारीला सिनेमागृहात प्रदर्शित होणार आहे. 

'नाय वरनभात लोन्चा कोन नाय कोन्चा' सिनेमाचे नवे पोस्टर आणि धमाकेदार ट्रेलर प्रेक्षकांच्या भेटीला आला आहे. या चित्रपटाचं नवं पोस्टर चित्रपटातील विविध व्यक्तिरेखांचं दर्शन घडवणारं आहे. हे पोस्टर चित्रपटातील काळ आणि वातावरणाची झलक दाखवणारं आहे. 'काँक्रिटच्या जंगलातील उद्ध्वस्त अस्तित्व' ही पोस्टरवरील टॅगलाईन दाहकतेची जाणीव करून देणारी आहे. विविध वयोगटातील चेहरे 'नाय वरनभात लोन्चा कोण नाय कोन्चा'च्या पोस्टरवर पहायला मिळतात.

सिनेमाचा ट्रेलर महेश मांजरेकरांनी शेअर करत लिहिले आहे,"मुंबईच्या जंगलातला हा धूर कुणाला सुखासुखी जगून नाय द्यायचा..सगळ्यांची वाट लागणार..! काँक्रीटच्या जंगलातलं वास्तव..पहा 'नाय वरनभात लोन्चा कोन नाय कोन्चा' चित्रपटाचा ट्रेलर..!". महेश मांजरेकर यांच्या आजवरच्या चित्रपटांची लोकप्रियता लक्षात घेता 'नाय वरनभात लोन्चा कोन नाय कोन्चा' हा सिनेमादेखील सिनेमागृहात धुमाकूळ घालेल. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha