Mahesh Manjrekar : लाईट्स..कॅमेरा...अॅक्शन... Antim नंतर महेश मांजरेकरांचा 'नाय वरनभात लोन्चा कोन नाय कोन्चा' प्रेक्षकांच्या भेटीला

Mahesh Manjrekar Movie : नव्या वर्षात महेश मांजरेकर प्रेक्षकांच्या भेटीला घेऊन येत आहेत 'नाय वरनभात लोन्चा कोन नाय कोन्चा'.

Naay Varanbhaat Loncha Kon Naay Koncha : आशय, विषय आणि सादरीकरण यांत नेहमी वैविध्य राखत महेश मांजरेकर यांनी अनेक कलाकृती निर्माण केल्या आहेत. त्यामुळे त्यांचा प्रत्येक सिनेमा प्रेक्षकांसाठी मेजवानीच असते. नुकत्याच प्रदर्शित झालेल्या त्यांच्या 'अंतिम' या हिंदी चित्रपटाचं सिनेरसिकांकडून जोरदार कौतुक होतंय आणि आता नव्या वर्षात ते एक नवा मराठी चित्रपट घेऊन प्रेक्षकांच्या भेटीला येत आहेत. 'नाय वरनभात लोन्चा कोन नाय कोन्चा' असे मांजरेकरांच्या आगामी सिनेमाचे नाव आहे. 

'नाय वरनभात लोन्चा कोन नाय कोन्चा' हा सिनेमा 21 जानेवारीला प्रदर्शित होणार आहे. या चित्रपटाच्या पोस्टरने प्रेक्षकांची उत्सुकता ताणली गेली आहे. ज्येष्ठ नाटककार जयंत पवार यांनी लिहिलेल्या 'वरनभात लोन्चा नि कोन नाय कोन्चा' या कथेवर हा चित्रपट आधारित असून चित्रपटाची पटकथा व दिग्दर्शन अशी दुहेरी जबाबदारी महेश मांजरेकर यांनी सांभाळली आहे. सिनेमातील कलाकारांची नावे अद्याप गुलदस्त्यात आहेत. 

महेश मांजरेकर यांच्या आजवरच्या चित्रपटांची लोकप्रियता लक्षात घेता 'नाय वरनभात लोन्चा कोन नाय कोन्चा' हा सिनेमादेखील सिनेमागृहात धुमाकूळ घालेल. 21 जानेवारीला हा चित्रपट प्रेक्षकांच्या भेटीला येईल. 

मांजरेकरांची आता कर्करोगापासून झाली सुटका
महेश मांजरेकरांना अंतिम सिनेमाच्या शूटिंगच्या शेवटच्या काळात कर्करोग झाल्याचे समजले होते. त्यानंतर त्यांनी केमोथेरपी सुरू केली. दरम्यान त्यांनी 35 किलो वजन कमी केले. आता कर्करोगापासून सुटका झाल्याने मांजरेकरांना आनंद होत आहे. अंतिम चित्रपटाच्या शूटिंगदरम्यान मांजरेकर केमीओथेरपी करत होते. पण चित्रपटाचे शूटिंग पूर्ण झाल्यानंतर त्यांनी सर्जरी केली. आवडीचं काम करत असल्याने मांजरेकरांना शूटिंग आणि कर्करोगावर मात करणं सोपं गेलं. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha