Ankita Lokhande Wedding : नववधू अंकिता लोखंडेच्या पायाला दुखापत, अंकिता-विकीचं लग्न पुढे ढकलणार का?

Ankita Lokhande Vicky Jain Marriage : लग्नाआधी अंकिता लोखंडेला रुग्णालयात दाखल करण्यात आले आहे. अंकिताला डॉक्टरांनी विश्रांतीचा सल्ला दिला आहे.

Ankita Lokhande Wedding : अभिनेत्री अंकिता लोखंडे (Ankita Lokhande) पुढील आठवड्यात लग्नबंधनात अडकणार आहे. पण लग्नाआधीच अंकिता लोखंडेला रुग्णालयात दाखल करण्यात आले होते. अंकिताला रुग्णालयात दाखल केल्याने चाहत्यांना धक्का बसला आहे. पवित्र रिश्ता फेम अंकिता लोखंडेला मुंबईतील सबर्बन रुग्णालयात दाखल करण्यात आले होते. 

अंकिताच्या पायाला दुखापत झाल्याने तिला रुग्णालयात दाखल करण्यात आले होते. परंतु अंकिताला आता डिस्चार्ज मिळालेला असून डॉक्टरांनी तिला आता विश्रांतीचा सल्ला दिला आहे. अंकिता लोखंडेच्या लग्नाच्या विधींना सुरुवात झाली आहे. ती लवकरच विकी जैनसोबत सात फेरे घेणार आहे. अंकिताने गेल्या आठवड्यात प्री-वेडिंग कार्यक्रमाचे फोटो सोशल मीडियावर शेअर केले होते.

अंकिता लोखंडे आणि विकी जैनचे लग्न 12 डिसेंबर 2021 रोजी होणार असून त्याची तयारी जोरात सुरू आहे. अंकिता आणि विकी कुटुंबीय आणि जवळच्या मित्रांच्या उपस्थितीत पारंपारिक महाराष्ट्रीयन पद्धतीने लग्न करणार आहेत. दरम्यान अंकिताच्या पायाला दुखापत झाल्याने तिचे लग्न टांगणीला लागू नये, ही चिंता चाहत्यांना सतावत आहे. 'पवित्र रिश्ता' या छोट्या पडद्यावरील मालिकेमुळे अंकिता घराघरात पोहोचली होती. लवकरच या मालिकेचा दुसरा भाग येणार आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha