Thalapathy Vijay Leo Box Office Collection : दाक्षिणात्य सुपरस्टार थलापती विजय (Thalapathy Vijay) सध्या 'लियो' (Leo) या सिनेमामुळे चर्चेत आहे. नुकताच हा सिनेमा प्रेक्षकांच्या भेटीला आला असून रिलीजच्या पहिल्याच दिवशी हा सिनेमा सुपरहिट ठरला आहे. पहिल्या दिवशी या सिनेमाने सहा रेकॉर्ड आपल्या नावे केले आहेत. तर बॉक्स ऑफिसवरही पैशांचा पाऊस पाडला आहे.
'लियो'चं ओपनिंग डे कलेक्शन जाणून घ्या... (Leo Box Office Collection Day 1)
थलापती विजयचा 'लियो' हा सिनेमा 19 ऑक्टोबर 2023 रोजी सिनेमागृहात प्रदर्शित झाला आहे. रिलीजच्या पहिल्या दिवशी या सिनेमाने 68 कोटींची दणदणीत कमाई केली आहे. रजनीकांतच्या (Rajinikanth) 'जेलर' (Jailer) आणि शाहरुखच्या (Shah Rukh Khan) 'जवान' (Jawan) या सिनेमालाही 'लियो'ने मागे टाकलं आहे. 'लियो'ने रिलीजच्या पहिल्याच दिवशी सहा रेकॉर्ड्स आपल्या नावे केले आहेत.
'लियो'ने पहिल्या दिवशी केले 'हे' रेकॉर्ड्स
1. 'लियो'ने 2023 मध्ये जगभरात सर्वाधिक ओपनिंग कमाई केली आहे.
2. 2023 मध्ये तामिळनाडूमध्ये 'लियो'ने सर्वाधिक ओपनिंग कमाई केली आहे.
3. कॉलिवूडमध्ये आतापर्यंत 'लियो'ला सर्वात जास्त ओपनिंग मिळाली आहे.
4. केरळमध्ये आतापर्यंत 'लियो'ला सर्वात जास्त ओपनिंग मिळाली आहे.
5. आंध्र प्रदेश आणि तेलंगनामध्ये 2023 मध्ये 'लियो' या सिनेमाला सर्वाधिक ओपनिंग मिळालं आहे.
6. भारतात 'लियो' या कॉलिवूड सिनेमाला मिळालेलं सर्वाधिक ओपनिंग कलेक्शन
'लियो' या सिनेमाने भारतात 68 कोटींची कमाई केली असून जगभरात 100 कोटींपेक्षा अधिक कमाई केली आहे. तामिळमध्ये या सिनेमाने सर्वाधिक कमाई केली आहे. 'लियो' हा अॅक्शन, थरार आणि नाट्य असणारा सिनेमा आहे.
लोकेश कनगराज यांनी 'लियो' या सिनेमाच्या दिग्दर्शनाची धुरा सांभाळली आहे. हा पॅन इंडिया सिनेमा असून तामिळ, तेलुगू, हिंदी आणि कन्नड भाषेत प्रदर्शित होणार आहे. विजय थलापतीसह 'लियो' या सिनेमात संजय दत्त, तृषा, अर्जुन सरजा, मिसस्किन, गौतम वासुदेव मेनन, मंसूर अली खान, प्रिया आनंद आमि सैंडी हे कलाकार महत्त्वाच्या भूमिकेत आहेत. 'लियो' हा सिनेमा आता किती कोटींचा गल्ला जमवणार याकडे सर्वांचं लक्ष लागलं आहे. 'लियो' सिनेमातील थलापती विजयच्या कामाचं चांगलच कौतुक होत आहे.
संबंधित बातम्या