Krrish 4 Movie Latest Update : बॉलिवूड सुपरस्टार हृतिक रोशनच्या आगामी 'क्रिश 4' चित्रपटाबाबत मोठी बातमी येत आहे. यात रणबीर कपूरही दिसणार असल्याचं बोललं जात आहे. हृतिक रोशनच्या क्रिश 4 या चित्रपटाची चाहते आतुरतेने वाट पाहत आहेत. फिल्म इंडस्ट्रीला क्रिश चित्रपटामुळे पहिल्यांदा सुपरहिरो मिळाला. या चित्रपटाचे 3 भाग आले आहेत, आता त्याच्या चौथ्या भागाच्या रिलीजबद्दल चाहते खूप उत्सुक आहेत. आता हृतिक रोशननंतर रणवीर कपूरही या ब्लॉकबस्टर फ्रेंचायझीचा भाग होणार आहे. यामुळे चाहत्यांमध्ये उत्साह पाहायला मिळाला.
रणबीर कपूरची क्रिश 4 चित्रपटात एन्ट्री?
क्रिश चित्रपटाचा पहिला भाग 2013 मध्ये आला होता. या चित्रपटामुळे बॉलिवूडला पहिला सूपरहिरो मिळाला. हा चित्रपट प्रेक्षकांना प्रचंड आवडला होता. या चित्रपटाने सर्वांना विशेषत: लहान मुलांना अक्षरक्ष: वेड लावलं होतं. या चित्रपटानंतर क्रिशचे सर्व पार्ट सुपरहिट झाले. यामध्ये हृतिक रोशनच्या मास्कपासून त्याच्या सुपरमॅनच्या वेशभूषेपर्यंत मुलांवर वेगळीच छाप पडली गेली होती. यानंतर क्रिश 4 चित्रपटाची घोषणा झाल्यापासून प्रेक्षक फारच आतुर झाले आहे.
हृतिक - रणबीर कपूर सिद्धार्थ आनंदच्या ऑफिसबाहेर एकत्र
आता क्रिश 4 चित्रपट लवकरच प्रदर्शित होणार असल्याची बातमी येताच चाहत्यांची उत्कंठा वाढली आहे. आता या फ्रँचायझीमध्ये रणबीर कपूर दिसणार असल्याची चर्चा आहे. याचं कारण म्हणजे हृतिक रोशन आणि रणबीर कपूर सिद्धार्थ आनंदच्या ऑफिसबाहेर स्पॉट झाले होते. यानंतर रणबीर कपूर हृतिक रोशनच्या क्रिश 4 चित्रपटामध्ये दिसणार आहे, अशा बातम्या येऊ लागल्या. त्याचं कारण म्हणजे सिद्धार्थ आनंद क्रिश 4 चित्रपटाचं दिग्दर्शन करत आहे.
हृतिक रोशन आणि रणबीर कपूर नव्या चित्रपटात?
दरम्यान, रणबीर कपूर क्रिश 4 चित्रपटात दिसणार नाहीय, तर हृतिक रोशन आणि रणबीर कपूर हे दोन्ही स्टार्स सिद्धार्थ आनंदच्या आणखी एका चित्रपटात एकत्र दिसणार आहेत. दरम्यान, क्रिश 4 चित्रपटाच्या रिलीजसाठी प्रेक्षकांना आणखी थोडी प्रतीक्षा करावी लागेल. 2026 पर्यंत या चित्रपटाचं शुटिंग सुरु शकतं, असं बोललं जात आहे.
महत्त्वाच्या इतर बातम्या :