Kartiki Gaikwad : 'सारेगमप लिटिल चॅम्प' या कार्यक्रमाच्या माध्यमातून कार्तिकी गायकवाडला (Kartiki Gaikwad) लोकप्रियता मिळाली आहे. कार्तिकीच्या यशात आई-वडिलांचासह तिच्या भावाचादेखील मोठा वाटा आहे. आता कार्तिकीने लहान भावाचे म्हणजेच कौस्तुभचे कौतुक करणारी एक पोस्ट सोशल मीडियावर शेअर केली आहे.
वडीलांना दिली मर्सिडीजची भेट
कार्तिकी गायकवाडने इन्स्टाग्रावर तिच्या लहान भावाचे अभिनंदन करणारी पोस्ट शेअर केली आहे. कार्तिकीच्या लहान भावाने म्हणजेच कौस्तुभने वयाच्या 22 व्या वर्षी वडीलांना म्हणजेच पंडित कल्याणजी गायकवाड यांना मर्सिडीज गाडी भेट म्हणून दिली आहे. यासंदर्भात कार्तिकीने एक खास व्हिडीओ शेअर केला आहे. कार्तिकीचा हा व्हिडीओ सोशल मीडियावर चांगलाच व्हायरल होत आहे.
कार्तिकीने सोशल मीडियावर एक व्हिडीओ शेअर करत लिहिलं आहे,"वयाच्या अवघ्या 22 व्या वर्षी माझ्या कौस्तुभ दादाने बाबांना मर्सिडीज भेट दिली आहे". कार्तिकीने शेअर केलेल्या व्हिडीओवर चाहते शुभेच्छांचा वर्षाव करत आहेत. अनेक सेलिब्रिटीदेखील कमेंट्स करत शुभेच्छा देत आहेत.
कार्तिकीने शेअर केलेल्या व्हिडीओमध्ये काय आहे?
कार्तिकीने शेअर केलेल्या व्हिडीओमध्ये कार्तिकीचा भाऊ एका फॉर्मवर सही करताना दिसत आहे. त्यानंतर मुलाने दिलेली मर्सिडीज गाडी पाहून कार्तिकीच्या वडिलांना आनंद झाला आहे. कार्तिकी आणि तिचे संपूर्ण कुटुंब या व्हिडीओमध्ये दिसत आहे. कार्तिकीच्या भाऊ कल्याणजी गायकवाड याने संगीतबद्ध केलेले अभंग राहुल देशपांडे, वैशाली सामंत, सुरेश वाडकर अशा अनेक गायकांनी गायले आहेत.
संबंधित बातम्या