Satyaprem Ki Katha : अभिनेता कार्तिक आर्यन (Kartik Aaryan) आणि अभिनेत्री कियारा अडवाणी (Kiara Advani) यांचा बहुप्रतिक्षित चित्रपट 'सत्यप्रेम की कथा' (Satyaprem Ki Katha) हा 29 जून 2023 रोजी रिलीज होणार आहे. समीर विद्वांस दिग्दर्शित, साजिद नाडियादवालाच्या या चित्रपटाची प्रेक्षक उत्सुकतेने बघत आहेत. शूटिंगच्या सुरुवातीपासून हा चित्रपट सतत चर्चेत आहे.
'सत्यप्रेम की कथा' ही आगामी संगीतमय प्रेमकथा आहे ज्याची घोषणा झाल्यापासूनच हा चित्रपट चर्चेचा विषय बनली आहे. या चित्रपटाद्वारे कार्तिक आर्यन आणि कियारा अडवाणी दुसऱ्यांदा एकमेकांसोबत पडद्यावर दिसणार आहेत. कियारा आणि कार्तिक हे आज इंडस्ट्रीतील सर्वात लोकप्रिय जोडप्यांपैकी एक आहेत, ज्यांना पडद्यावर एकत्र पाहणे चाहत्यांसाठी मोठी पर्वणी असते.
'सत्य प्रेम की कथा' या सिनेमात कार्तिक आर्यन आणि कियारा आडवाणी मुख्य भूमिकेत आहेत. तर या सिनेमाच्या दिग्दर्शनाची धुरा राष्ट्रीय पुरस्कार विजेते मराठमोळे दिग्दर्शक समीर विद्वान सांभाळणार आहेत. तर साजिद नाडियाडवाला आणि नम: पिक्चर्स या सिनेमाची निर्मिती करणार आहेत. या सिनेमाचे नाव आधी 'सत्यनारायण की कथा' असे ठेवण्यात आले होते. पण आता निर्मात्यांनी या सिनेमाचं नाव बदलण्याचा निर्णय घेतला आहे.
कियारा आणि कार्तिकच्या भूल भुलैय्या-2 या चित्रपटाला प्रेक्षकांची पसंती
कियारा आणि कार्तिकच्या 'भूल भुलैया 2' या सिनेमाने सिनेमागृहात चांगलाच धुमाकूळ घातला होता. बॉक्स ऑफिसवर या सिनेमाने 50 दिवस पूर्ण केले. जगभरात या सिनेमाने 230 कोटींचा गल्ला जमवला. या सिनेमानंतर कार्तिकचा 'फ्रेडी', 'शहजादा' हा सिनेमा प्रेक्षकांच्या भेटीला येणार आहे.
वाचा इतर महत्त्वाच्या बातम्या: