Kapil Sharma Insulted The Fan: कॉमेडियन कपिल शर्मा (Kapil Sharma) हा त्याच्या विनोदी अंदाजानं नेहमीच प्रेक्षकांची मनं जिंकतो. सध्या कपिल शर्माचा एक व्हिडिओ सोशल मीडियावर चांगलाच व्हायरल होत आहे.या व्हिडीओमध्ये कपिल शर्मा एअरपोर्टमधून येताना दिसत आहे. त्याचवेळी कपिलला त्याच्या चाहत्यांनी फोटो काढण्यासाठी घेरले. अशातच कपिलचा एक चाहता त्याच्यासोबत सेल्फी काढण्यासाठी आला. यावेळी त्या चाहत्याला कपिलनं दिलेली वागणून पाहून आता सोशल मीडियावर अनेक जण कपिलवर टीका करत आहेत.
सोशल मीडियावर व्हायरल झालेल्या व्हिडीओमध्ये दिसत आहे की, एका चाहत्याने कपिलला त्याच्यासोबत सेल्फी काढण्याची विनंती केली. त्या चाहत्याला पाहून कपिल थांबतो. पण नंतर चाहत्याला फोनमधील कॅमेरा ओपन करायला वेळ लागतो.त्यानंतर कपिल त्या चाहत्याला म्हणतो, 'कॅमरा तो तुम्हारा चल नहीं रहा हेहेहेहे.' कपिलच्या या व्हायरल व्हिडीओला कमेंट करुन अनेकांनी कपिलला ट्रोल केलं आहे.
नेटकऱ्यांच्या कमेंट्स
कपिलच्या व्हायरल व्हिडीओला एका नेटकऱ्यानं कमेंट केली, हा अॅटिड्युड तर सुपरस्टार्समध्ये पण नसतो. कॉमेडी प्रत्येक ठिकाणी योग्य नसते. हे वागणं दुसऱ्यांच्या भावना दुखवण्यासारखं आहे.' तर दुसऱ्या युझरनं कमेंट केली, त्याचा कॅमेरा ओपन होईपर्यंत एक मिनिट थांबू शकला असता. तू जे काही आहेस, ते फॅनमुळेच आहेस'
पाहा व्हिडीओ:
कपिल हा त्याच्या द कपिल शर्मा शो या कार्यक्रमामधून प्रेक्षकांच्या भेटीस येत असतो. 'कपिल शर्मा शो' मध्ये मोटिव्हेशनल स्पीकर, गायक, तसेच सेलिब्रिटींनी हजेरी लावतात. अभिनेता सलमान खान या शोचा निर्माता आहे. 23 एप्रिल 2016 रोजी 'द कपिल शर्मा' शोची सुरूवात झाली. कपिल या कार्यक्रमाचे सूत्रसंचालन करतो.
जून महिन्यात ‘द कपिल शर्मा शो’ बंद होणार आहे, असं म्हटलं जात होतं. आता 'हा शो खरच बंद होणार आहे का?' असा प्रश्न एका मुलाखतीमध्ये कपिलला विचारण्यात आला. या प्रश्नाचं उत्तर देत कपिल म्हणाला, 'हे अजून निश्चित झालेले नाही. आम्हाला जुलैमध्ये टूरसाठी यूएसएला जायचे आहे आणि नंतर आम्ही याबबात विचार करु. अजून बराच वेळ आहे.'
संबंधित बातम्या