Priyanka Chopra : बॉलिवूडसह हॉलिवूड गाजवणारी 'देसी गर्ल' प्रियांका चोप्रा (Priyanka Chopra) नेहमीच कोणत्या ना कोणत्या कारणाने चर्चेत असते. बॉलिवूडसह अनेक हॉलिवूड सिनेमांत तिने काम केलं आहे. त्यामुळे अल्पावधीतच तिने जगभरात स्वत:ची वेगळी ओळख निर्माण केली आहे. पण आता तिचा एक जुना व्हिडीओ सोशल मीडियावर व्हायरल होत आहे. यात ती भारतीय सिनेसृष्टीबद्दल बोलताना दिसत आहे. पण वादग्रस्त वक्तव्याने नेटकऱ्यांनी मात्र तिला चांगलच ट्रोल केलं आहे.
भारतीय सिनेसृष्टीबद्दल प्रियांका चोप्रा काय म्हणाली?
प्रियांका चोप्राचा एक जुना व्हिडीओ सध्या सोशल मीडियावर चांगलाच व्हायरल होत आहे. हा व्हिडीओ 2016 मधला एमी पुरस्कार सोहळ्यादरम्यानचा आहे. एक पत्रकार प्रियांकाला भारतीय सिनेसृष्टीबद्दल प्रश्न विचारत आहे. तसेच अभिनेत्रीला नृत्याची झलक दाखवण्यास सांगत आहे. त्यावर प्रियांका म्हणते,"भारतीय सिनेमांत फक्त हिप्स आणि बूब्सवर फोकस करण्यात येतं". त्यानंतर प्रियांका नृत्याची झलक दाखवते.
प्रियांका चोप्रा नेटकऱ्यांच्या निशाण्यावर
प्रियांका चोप्राचं वादग्रस्त वक्तव्य नेटकऱ्यांच्या पसंतीस उतरलेलं नाही. त्यामुळे ती मोठ्या प्रमाणात ट्रोल होत आहे. एकेकाळी तूदेखील याच सिनेमांत काम केलं आहे आणि लोकांचं लक्ष वेधून घेण्याचा प्रयत्न केला आहेस, 2-4 हॉलिवूड सिनेमे केल्यानंतर प्रियांका मायदेशाला विसरली, भारतीय मनोरंजनसृष्टीने प्रियांकावर बंदी घालावी, अशा कमेंट्स नेटकऱ्यांनी केल्या आहेत.
'या' सिनेमाच्या माध्यमातून 'देसी गर्ल' करणार कमबॅक
प्रियांका चोप्रा पुन्हा एकदा बॉलिवूडमध्ये कमबॅक करणार असल्याच्या चर्चांना आता सुरुवात झाली आहे. फरहान अख्तरने प्रियांकाला विचारणा केली आहे. तिच्या आगामी सिनेमाचं नाव 'डॉन 3' असणार असल्याचं म्हटलं जात आहे. या सिनेमात प्रियांकासोबत शाहरुख खान झळकणार असल्याची चर्चा आहे.
प्रियांका चोप्रा 'द स्काई इस' या बॉलिवूड सिनेमात शेवटची दिसली होती. हा सिनेमा 2019 मध्ये प्रेक्षकांच्या भेटीला आला होता. शोनाली बोसने या सिनेमाचं दिग्दर्शन केलं होतं. त्यानंतर नेटफ्लिक्सच्या 'द व्हाइट टायगर' या सिनेमात ती शेवटची दिसली. गेल्या काही दिवसांपूर्वी तिची 'सिटाडेल' ही सीरिज प्रेक्षकांच्या भेटीला आली आहे. आता तिच्या आगामी सिनेमांची चाहत्यांना उत्सुकता आहे.
संबंधित बातम्या