Kangana Ranaut Birthday Special : बॉलिवूड अभिनेत्री कंगना रनौत (Kangana Ranaut) आज तिचा 35 वा वाढदिवस साजरा करत आहे. कंगनाने तिच्या करिअरची सुरुवात मॉडेलिंगपासून केली आहे. तिच्या फिल्मी करिअरमध्ये तिने एकापेक्षा एक भूमिका साकारल्या आहेत. तिच्या अनेक सिनेमांसाठी तिला राष्ट्रीय पुरस्कारदेखील मिळाले आहेत. हे सिनेमे प्रेक्षकांना ओटीटी प्लॅटफॉर्मवर पाहता येतील.
फॅशन
2008 साली प्रदर्शित झालेल्या 'फॅशन' या सिनेमात कंगनाने एक आव्हानात्मक भूमिका साकारली होती. या सिनेमाचे दिग्दर्शन मधुर भांडारकरने केले आहे. या सिनेमासाठी कंगनाला वयाच्या अवघ्या 22 व्या वर्षी राष्ट्रीय पुरस्कार मिळाला होता. हा सिनेमा प्रेक्षकांना नेटफ्लिक्सवर पाहता येईल.
क्वीन
'क्वीन' या सिनेमाने कंगनाला नवी ओळख दिली. या सिनेमाने कंगनाच्या करिअरलादेखील नवी दिशा दिली. तसेच या सिनेमासाठी तिला राष्ट्रीय पुरस्कारदेखील मिळाला. हा सिनेमा प्रेक्षक वूट आणि नेटफ्लिक्सवर पाहू शकतात.
तनु वेड्स मनु रिटर्न्स
'तनु वेड्स मनु रिटर्न्स' या सिनेमासाठी कंगनाला तिसरा राष्ट्रीय पुरस्कार मिळाला. या सिनेमात कंगनासोबत आर माधवनदेखील मुख्य भूमिकेत होते. हा सिनेमा प्रेक्षकांना झी 5 आणि अॅमेझॉन प्राइम व्हिडीओवर पाहता येईल.
मणिकर्णिका सिनेमासाठी कंगनाला चौथ्यांदा सर्वोत्कृष्ट अभिनेत्रीचा पुरस्कार देण्यात आला आहे. कंगनाला पद्मश्री पुरस्कारनेदेखील गौरविण्यात आले आहे. अनेक वर्षे संघर्ष केल्यानंतर कंगनाला चित्रपटांमध्ये काम मिळाले आणि ती स्वत:ची वेगळी ओळख निर्माण करू शकली.
संबंधित बातम्या
Happy Birthday Kangana Ranaut : कधीकाळी एक ब्रेड खाऊन दिवस काढणारी कंगना आज करोडोंची मालकीण! वाचा तिच्या या प्रवासाबद्दल...
The Kashmir Files : 'द कश्मीर फाइल्स'ला मिळणार होता गानकोकीळा लतादीदींचा आवाज, पण..., विवेक अग्निहोत्रीने केला खुलासा
Kangana Ranaut : कंगना रणौतला दिलासा देण्यास दंडाधिकारी न्यायालयानं दिला नकार
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha