मुंबई: सुपरस्टार रजनीकांत यांची मुख्य भूमिका असलेला कबाली चित्रपट आज बॉक्सऑफिसवर धडकतोय. दक्षिण भारतासह पूर्ण देशभरात आणि परदेशात कबाली चित्रपटाची चर्चा आहे. इतकंच नाही तर चेन्नई, बंगळुरुत "कबाली'च्या मुहुर्तावर कर्मचाऱ्यांचा मास बंक टाळण्यासाठी कंपनीकडून थेट सुट्टीच जाहीर करण्यात आली आहे.

kabali celebration 4


काही कंपन्यांकडून कर्मचारी आणि त्यांच्या कुटुंबीयांसाठी "कबाली‘ची मोफत तिकिटेही देण्यात आली आहेत.

 

मुंबईतही अरोरा थिएटरमध्ये सकाळी 5 वाजता रजनीकांतच्या फोटोला दुधाचा अभिषेक करण्यात आला. त्यानंतर पहिला शो सुरु झाला. पुढे काही दिवस अरोरा थिएटरमधील कबालीचे सगळे शो हाऊसफुल्ल असल्याचंही सांगण्यात येत आहे.



कबालीमध्ये रजनीकांतसोबत मराठमोळी राधिका अपटेही मुख्य भूमिकेत आहे.