John Abraham : 'फोर्स' (Force) सिनेमाने जॉन अब्राहमला (John Abraham) लोकप्रियता मिळवून दिली होती. हा सिनेमा प्रेक्षकांच्या पसंतीस पडला होता. तसेच वर्षातील सर्वाधिक कमाई करणाऱ्या सिनेमांच्या यादीतही या सिनेमाचे नाव होते. आता 'फोर्स 3' सिनेमाच्या शूटिंगलादेखील सुरुवात होणार आहे.
'फोर्स' सिनेमाने बॉक्स ऑफिसवर धुमाकूळ घातल्याने सिनेमाचे निर्माते विपुल शहा यांनी 'फोर्स 2' सिनेमा बनवण्याचा निर्णय घेतला. या सिनेमानेदेखील बॉक्सऑफिसवर चांगलीच कमाई केली होती. मीडिया रिपोर्टनुसार, जॉन अब्राहमने 'फोर्स'च्या फ्रॅंचायझीचे हक्क विकत घेतले आहेत. तसेच 'फोर्स 3' च्या शूटिंगला लवकरच सुरुवात होणार आहे.
जॉन अब्राहमने फोर्स फ्रँचायझीचे सर्व अधिकार विपुल शाह यांच्याकडून विकत घेतल्याची शक्यता वर्तवली जात आहेत. 'फोर्स' फ्रँचायझीचा पहिला सिनेमा 2011 साली प्रदर्शित झाला होता. या सिनेमात जॉन अब्राहमसोबत जेनेलिया डिसूजादेखील होती. जॉन अब्राहमचा 'अटॅक' सिनेमादेखील लवकरच प्रेक्षकांच्या भेटीला येणार आहे.
संबंधित बातम्या