Amisha Patela Is Dating Businessman Nirvaan Birla: कहो ना प्यार है (Kaho Naa... Pyaar Hai) आणि गदर (Gadar) यांसारख्या चित्रपटांमधून प्रसिद्ध झालेली अमिषा पटेल (Amisha Patel) अनेकदा तिच्या वैयक्तिक आयुष्यामुळे चर्चेत असते. अनेक अभिनेत्यांसोबत तिच्या डेटिंगच्या बातम्या गेल्या काही दिवसांत जळकल्या होत्या. आता पुन्हा एकदा गदरच्या तारा सिंहची सकीना तिच्या वैयक्तिक आयुष्यामुळे चर्चेत आली आहे. अलिकडे गदर फेम अमिषा पटेल बिझनेसमन निर्वाण बिर्लासोबत (Nirvaan Birla) डेट करत असल्याच्या चर्चांना उधाण आलं होतं. गदर फेम अभिनेत्रीनं 13 नोव्हेंबर 2024 रोजी तिच्या सोशल मीडिया अकाउंटवर निर्वाणासोबतच्या एक फोटो शेअर केला होता, जो चटकन व्हायरल झाला. या फोटोमध्ये अमिषा पटेलची रोमँटिक शैली पाहायला मिळते.


दुबईमधून एका अभिनेत्रीनं एक फोटो शेअर केला आहे, ज्यामध्ये अमीषा पटेल आणि निर्वाण एका रेस्टॉरंटमध्ये एकत्र दिसले. फोटोत निर्वाणनं अमिषाला घट्ट मिठी मारली आहे. या फोटोसोबत अभिनेत्रीनं एक खास कॅप्शनही लिहिलं आहे. तिनं लिहिलं की, "दुबई : माझ्या प्रिय निर्वाण बिर्लासोबतची सुंदर संध्याकाळ". या कॅप्शनसोबत अमिषा पटेलनं हार्ट इमोजीही बनवला आहे. अमिषा पटेल आणि निर्वाण बिर्ला दोघांचा हा फोटो सोशल मीडियावर मोठ्या प्रमाणात व्हायरल होत आहे. अभिनेत्रीच्या फोटोवर चाहत्यांकडून कमेंट्सचा वर्षाव केला जात आहे. 






दरम्यान, अमिषा पटेलनं गेल्या वर्षी गदर 2 या चित्रपटाद्वारे पुन्हा एकदा मोठ्या पडद्यावर पुनरागमन केलं होतं. अमिषा पटेल स्टारर गदर प्रमाणेच त्याचा सीक्वेल असलेल्या गदर 2 ने देखील बॉक्स ऑफिसवर बक्कळ कमाई केली. एवढंच नाहीतर हा चित्रपट अमिषा पटेल आणि सनी देओलच्या करिअरमधील सर्वात हिट चित्रपट ठरला. गदर 2 नं जगभरातील चित्रपटगृहांमध्ये 500 कोटींहून अधिक कमाई केली होती. या चित्रपटांचं दिग्दर्शन अनिल शर्मा यांनी केलं होतं. दिग्दर्शक उत्कर्ष शर्मानंही गदर 2 मध्ये काम केलं होतं.


महत्त्वाच्या इतर बातम्या :


Singham Again Worldwide BO Collection: सिंघमची बॉक्स ऑफिसवर डरकाळी, रचलेत 4 धमाकेदार रेकॉर्ड, 300 कोटींच्या क्लबमध्ये सामील होणारा अजयचा चौथा चित्रपट