Entertainment News Live Updates 2 November : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Shark Tank India Season 2: स्वत:चा व्यवसाय सुरू करणारे लोक त्यांच्या वेगवेगळ्या कल्पना घेऊयात शार्क टँक इंडिया (Shark Tank India) या शोमध्ये येतात. त्यामधील काही कल्पना या अतरंगी देखील असतात. छोट्या पडद्यावरील या कार्यक्रमाच्या पहिल्या सीझनला प्रेक्षकांची पसंती मिळाली. आता या कार्यक्रमाचा दुसरा सीझन प्रेक्षकांच्या भेटीस येणार आहे. ‘शार्क टँक इंडिया 2’(Shark Tank India Season 2) या कार्यक्रमाचा प्रोमो नुकताच रिलीज झाला आहे.
सोनी टीव्हीनं सोशल मीडियावर शार्क टँक इंडिया सीझन 2 चा प्रोमो शेअर केला आहे. या प्रोमोमध्ये एका महिला भाजी घेताना दिसत आहे. यावेळे तो भाजीवाला शार्क टँक ज्या स्टाईलनं भाजी विकताना दिसत आहे. आता पूर्ण भारताला समजेल व्यवसायाचे खरे मूल्य, ही टॅगलाइन देखील प्रोमोमध्ये दिसत आहे. या प्रोमोला नेटकऱ्यांची पसंती मिळाली आहे.
Bigg Boss Marathi 4 : बिग बॉस मराठीच्या (Bigg Boss Marathi 4) चौथ्या पर्वाची चाहत्यांमध्ये क्रेझ आहे. हा कार्यक्रम वादग्रस्त असला तरी तितकाच लोकप्रिय आहे. स्पर्धकांच्या वादामुळे हे पर्व आणखीनच रंगले आहे. सध्या बिग बॉसच्या घरात 'खुल्ला करायचा राडा' हे कार्य रंगत आहे.
Sunny Marathi Movie: 'आई कुठे काय करते' मधून घराघरांत पोहोचलेला अभिषेक देशमुख आणि सहकुटुंब सहपरिवार' मधील अमेय बर्वे आता हेमंत ढोमे दिग्दर्शित 'सनी' या चित्रपटातून प्रेक्षकांच्या भेटीला येत आहेत. नुकतीच त्यांची व्यक्तिरेखा समोर आली असून यात ते 'सनी'चे (Sunny) खास मित्र दाखवले आहेत आणि यात महत्वपूर्ण भूमिका साकारली आहे ती युकेच्या पॉऊलोने.
Thipkyanchi Rangoli : ‘ठिपक्यांची रांगोळी’ मालिकेचं कथानक अतिशय उत्कंठावर्धक वळणावर येऊन पोहोचलं आहे. कानिटकरांची आन, बान आणि शान असलेला वाडा आता त्यांना परका होणार आहे. विनायक दादांनी वाडा विकण्याचा निर्णय घेतल्यामुळे कानिटकर कुटुंबात नाराजीचा सूर आहे. अश्यातच मालिकेत दुर्गा आत्याची एण्ट्री होणार आहे. ज्येष्ठ अभिनेत्री शुभा खोटे दुर्गा आत्याची भूमिका साकरणार असून बऱ्याच वर्षांनंतर त्या मराठी मालिकेत दिसणार आहेत.
Marathi Serial Trp Rating : टीआरपीच्या शर्यतीत 'रंग माझा वेगळा' ही मालिका पहिल्या क्रमांकावर आहे. या मालिकेला 6.8 रेटिंग मिळाले आहे. 'तुझेच मी गीत गात आहे' ही मालिका सध्या लोकप्रियतेच्या शिखरावर असून ही मालिका टीआरपीच्या रेसमध्ये दुसऱ्या स्थानावर आहे. या मालिकेला 6.6 रेटिंग मिळाले आहे. टीआरपी लिस्टमध्ये 'सुख म्हणजे नक्की काय असतं' ही मालिका तिसऱ्या स्थानावर आहे. या मालिकेला 6.5 रेटिंग मिळाले आहे.
Hansika : राजस्थान हे जगभरातील पर्यटकांचं आवडतं राज्य आहे. देश-विदेशातील पर्यटक राजस्थानमध्ये पर्यटनासाठी येत असतात. तसेच गेल्या काही दिवसांत राजस्थान हे बॉलीवूड कलाकारांसाठी डेस्टिनेशन वेडिंगचं ठिकाण बनलं आहे. विकी कौशल-कतरिना कैफ, रवीना टंडन-अनिल थडानी आणि प्रियांका चोप्रा-निक जोनासनंतर आता हंसिकादेखील (Hansika) राजस्थानमध्येच लग्नबंधनात अडकणार आहे.
Pathaan Teaser: बॉलिवूडमधील प्रसिद्ध अभिनेता शाहरुख खाननं (Shah Rukh Khan) त्याच्या वाढदिवसानिमित्त चाहत्यांना खास गिफ्ट दिलं आहे. नुकत्याच त्याच्या पठाण (Pathaan) या चित्रपटाचा टीझर रिलीज झाला आहे. या चित्रपटात शाहरुखसोबतच अभिनेत्री दीपिका पादुकोण (Deepika Padukone) आणि अभिनेता जॉन अब्राहम (john abraham) यांनी देखील प्रमुख भूमिका साकारली आहे. 25 जानेवारी 2023 रोजी पठाण हा चित्रपट प्रेक्षकांच्या भेटीस येणार आहे. केवळ हिंदी भाषेतच नाही तर तमिळ आणि तेलगू या भाषांमध्ये देखील हा चित्रपट प्रदर्शित केला जाणार आहे.
Raj Kundra Pornography Controversy : ट्विटरवरील एका सत्रात यूजरने राज कुंद्राला विचारले,"भावा तुला अटक कशी झाली? यावर उत्तर देत राज म्हणाला,"हे लवकरच बाहेर येईल! भ्रष्टाचार, सूड, निषेध आणि बरचं काही.. मी माझ्या आयुष्यात कधीही पोर्नोग्राफीमध्ये गुंतलेलो नाही". यादरम्यान राज कुंद्राने शिल्पा शेट्टी संबंधित अनेक प्रश्नांची उत्तरे दिली.
American Rapper Takeoff Shot Dead : अमेरिकन रॅपर टेकऑफची (Takeoff) हॉस्टनमध्ये गोळ्या झाडून हत्या करण्यात आली आहे. मंगळवारी हॉस्टनमध्ये झालेल्या गोळीबारात टेकऑफचा मृत्यू झाला. टेकऑफ हा 28 वर्षांचा होता. लोकप्रिय रॅपर्सच्या यादीत टेकऑफची गणना होते. टेकऑफच्या हत्येने त्याच्या चाहत्यांना मोठा धक्का बसला आहे.
अभिनेत्री आणि फिल्म निर्माती पूजा भटनं राहुल गांधींसोबत भारत जोडो यात्रेत सहभाग घेतला आहे. ती हैदराबादमधून आज भारत जोडो यात्रा पुढे कूच करत आहे.
Shah Rukh Khan : शाहरुख खानने 1989 साली 'फौजी' या मालिकेच्या माध्यमातून अभिनयक्षेत्रात पदार्पण केलं. त्यानंतर त्याने कधीच मागे वळून पाहिले नाही. 'रोमान्स किंग', 'बादशाह' आणि 'किंग खान' म्हणून शाहरुखला जगभरात ओळखले जाते. पण शाहरुखचे शालेय शिक्षण दिल्लीतील 'सेंट कोलंबा' या शाळेत झाले आहे. शाहरुखने 12 वी पर्यंतचे शिक्षण पूर्ण केल्यानंतर पुढील शिक्षणासाठी त्याने दिल्लीतील हंसराज कॉलेजमध्ये प्रवेश घेतला. 'अर्थशास्त्र' या विषयात त्याने पदवी मिळवली आहे. ग्रॅज्युएशन पूर्ण केल्यानंतर त्याने 'मास कम्युनिकेशन' या विषयात पदव्युत्तर शिक्षण घेण्यासाठी दिल्लीतील जामिया मिलिया इस्लामिया विद्यापीठात प्रवेश घेतला. परंतु काही वैयक्तिक कारणाने तो पदव्युत्तर शिक्षण घेऊ शकला नाही.
मीडिया रिपोर्टनुसार, शाहरुख खान बॉलिवूडमधील सर्वात श्रीमंत सेलिब्रिटी आहे. किंग खान एका दिवसाला 1.4 कोटी कमावतो. शाहरुख खानची एकूण संपत्ती 5 हजार 593 कोटी आहे. डीएनएच्या रिपोर्टनुसार, सलमान खान एका दिवसात सुमारे 1.01 कोटी कमावतो आणि त्याची एकूण संपत्ती 60 मिलियन डॉलर म्हणजेच 2900 कोटी रुपये आहे. आमिर खान दिवसाला सुमारे 33.47 लाख कमावतो आणि त्याची एकूण संपत्ती 1800 कोटी आहे. म्हणजेच शाहरुख खान सर्वात श्रीमंत आहे.
Shah Rukh Khan Birthday : बॉलिवूडचा बादशाह असलेल्या शाहरुख खानचा (Shah Rukh Khan) आज 57 वा वाढदिवस आहे. किंग खानचे चाहते फक्त भारतातच नाहीत तर जगभरात आहेत. शाहरुखचा वाढदिवस आणखी खास करण्यासाठी यशराज फिल्म्सतर्फे चाहत्यांना खास सरप्राईज मिळणार आहे. यशराज फिल्म्सने 'दिलवाले दुल्हनिया ले जायेंगे' या सुपरहिट रोमॅंटिक सिनेमाचे खास स्क्रिनिंग आयोजित केले आहे. तर पठाण सिनेमाचा टीझरदेखील आज आऊट होणार आहे.
Shah Rukh Khan Birthday : अभिनेता शाहरुख खान (Bollywood Actor Shah Rukh Khan Birthday) याचा आज 57 वा वाढदिवस आहे. या निमित्ताने वांद्रे इथल्या निवासस्थानी म्हणजेच शाहरुख खानच्या 'मन्नत' घराबाहेर मध्यरात्री चाहत्यांची (फैन्स) तुफान गर्दी पाहायला मिळाली. शाहरुख खान याच्या फॅन्स(चाहत्यांकडून) त्याच्या मन्नत बंगल्याबाहेर वाढदिवस साजरा करण्यात आला.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
आजच्या पिढीतील लग्नाची गोष्ट सांगणारा ‘36 गुण’
प्रत्येक व्यक्तीच्या आयुष्यात 'लग्न' ही फार महत्वाची गोष्ट असते. दोन व्यक्तींना, कुटुंबांना त्याचबरोबर जबाबदाऱ्यांना जोडणारा हा अत्यंत महत्वाचा काळ असतो. पण त्याचबरोबर लग्न प्रक्रियेत लग्नपत्रिकेलाही तितकेच महत्त्व दिले जाते. मात्र, घरदार, कुटुंब, शिक्षण, नोकरी-व्यवसाय आणि सगळ्यात महत्त्वाचे लग्नपत्रिकेतले ‘36 गुण’ (36 Gunn) जुळूनही लग्नं यशस्वी होतात का? या प्रश्नांची उत्तरं देणारा समित कक्कड यांनी दिग्दर्शित केलेला ‘36 गुण’ हा आजच्या पिढीला जवळचा वाटेल असा मराठी चित्रपट येत्या शुक्रवारी 4 नोव्हेंबरला चित्रपटगृहात प्रदर्शित होणार आहे. अभिनेता संतोष जुवेकर (Santosh Juvekar) आणि अभिनेत्री पूर्वा पवार (Purva Pawar) यांची मुख्य भूमिका असलेल्या ’36 गुण’ चित्रपटात पुष्कर श्रोत्री, विजय पाटकर, वैभव राज गुप्ता, स्वाती बोवलेकर हे कलाकारसुद्धा दिसणार आहेत.
मराठमोळी अभिनेत्री दीप्ती लेलेची बॉलिवूडमध्ये एन्ट्री
'अबोली' ही सिरियल, 'पत्त्यांचा बंगला' सारखं व्यावसायिक नाटक, 'रविवार डायरीज' सारख्या प्रायोगिक नाटक अशा कलाकृतींमधून महत्त्वाच्या भूमिका साकारणारी चतुरस्त्र अभिनेत्री दीप्ती लेले आता बॉलिवूडमध्ये एन्ट्री करत आहे. 4 नोव्हेंबर 2022 रोजी रिलीज होणाऱ्या 'फोन भूत' या सिनेमात दीप्ती दिसणार आहे. गुरमीत सिंगद्वारे दिग्दर्शित आणि रविशंकरन-जसविंदर सिंग बाथ लिखित, ‘फोन भूत’या सिनेमाची निर्मिती एक्सेल एंटरटेनमेंटचे प्रमुख रितेश सिधवानी आणि फरहान अख्तर यांनी केली आहे.
'सुख म्हणजे नक्की काय असतं' मालिकेत गायत्री दातारची होणार एन्ट्री
स्टार प्रवाह वाहिनीवरील 'सुख म्हणजे नक्की काय असतं' (Sukh Mhanje Nakki Kay Asta) या मालिकेने अल्पावधीतच प्रेक्षकांच्या मनात स्थान निर्माण केलं आहे. या मालिकेत आता मोठा ट्विस्ट आला आहे. या मालिकेने सहा वर्षांचा लीप घेतला आहे. या लीपनंतर मालिकेच्या कथानकात अनेक बदल करण्यात आले आहेत. सध्या वाहिनीवर दाखवण्यात आलेल्या प्रोमोनुसार जयदीप आणि गौरी एकमेकांपासून दुरावल्याचं चित्र पाहायला मिळतंय. जयदीप गौरीची पुन्हा भेट होणार का? याची उत्सुकता नक्कीच आहे. मात्र, मालिकेत लवकरच नव्या पात्राची एन्ट्री होणार आहे. रुही कारखानीस असं या नव्या पात्राचं नाव असून अभिनेत्री गायत्री दातार (Gayatri Datar) ही व्यक्तिरेखा साकारणार आहे.
सलमान खान आणि अमृता फडणवीस यांना आता Y+ सुरक्षेचं कवच
बॉलिवूडचा दबंग सलमान खानची (Salman Khan) सुरक्षा मुंबई पोलिसांनी (Mumbai Police) वाढवली आहे. लॉरेन्स बिश्नोई गँगकडून मिळालेल्या धमकीनंतरच राज्य सरकारने सलमान खानची सुरक्षा वाढवली असून त्याला वाय प्लस श्रेणीची सुरक्षा देण्यात आली आहे, असं सूत्रांनी सांगितलं. यासोबतच महाराष्ट्राचे उपमुख्यमंत्री आणि गृहमंत्री देवेंद्र फडणवीस यांची पत्नी अमृता फडणवीस (Amruta Fadnavis) यांची सुरक्षा वाढवली आहे. याचा अर्थ सलमान खान आणि अमृता फडणवीस यांना आता चार शस्त्रधारी सुरक्षारक्षक 24 तास सुरक्षा पुरवणार आहेत.
- - - - - - - - - Advertisement - - - - - - - - -