मुंबई : दिया मिर्झा आज बिझनेसमन वैभव रेखी यांच्यासोबत आपली लग्नगाठ बांधणार आहे. पण फार कमी लोकांना माहिती आहे की, दिया मिर्झा प्रमाणेच वैभव रेखी यांचंही दुसरं लग्न आहे. काही वर्षांपूर्वी वैभव रेखी यांनी आपल्या पत्नीपासून वेगळं होण्याचा निर्णय घेत घटस्फोट घेतला होता. 39 वर्षांच्या अभिनेत्री दिया मिर्झानेही लग्नाच्या 5 वर्षांनी, म्हणजेच 2019 मध्ये पती साहिल संगा यांच्यापासून वेगळं होण्याचा निर्णय घेतला होता.
एबीपी न्यूजला मिळालेल्या माहितीनुसार, दिया आणि वैभव यांचा विवाहसोहळा वैभव रेखी यांच्या घरी नाहीतर दिया मिर्झाच्या वांद्रे येथील घर असलेल्या इमारत 'बेलएयर' (Belair)च्या परिसरात असलेल्या एका छोट्या गार्डनमध्ये होणार आहे. लग्नाची तयारी सुरु झाली आहे. सकाळपासूनच येथे पाहुण्या मंडळींनी हजेरी लावली आहे. लग्न संध्याकाळी 7 वाजता पार पडणार आहे.
या लग्नासाठी वैभव रेखी यांच्या लहान मुलगी हजर राहणार आहे. एक व्यावसायिक असणाऱ्या वैभव रेखी यांचं लग्न योगा इंस्ट्रक्टर सुनयना रेखी यांच्याशी झालं होतं. या दोघांना एक मुलगीही आहे.
महत्त्वाची बाब म्हणजे, दिया मिर्झा आपले होणारे पती वैभव रेखी यांच्यासोबत गेल्या वर्षभरापासून कोरोनामुळे लागू करण्यात आलेल्या लॉकडाऊनमुळे वांद्रे येथील घरात लिव इन रिलेशनशिपमध्ये राहत होती.
दरम्यान, दिया मिर्झाच्या लग्नसमारंभांना सुरुवात झाली आहे. 'एबीपी न्यूज हिंदी'च्या वृत्तानुसार हा विवाहसोहळा अतिशय कमीत कमी पाहुण्यांच्या उपस्थितीत आणि खासगी स्वरुपात पार पडणार आहे. दिया मिर्झाने आपल्या लग्नसमारंभांचे काही फोटो सोशल मीडियावर शेअर केले आहेत. या फोटोंमध्ये दियाने आपल्या हातावरील मेहंदीचा एक फोटो शेअर केला आहे.
महत्त्वाच्या इतर बातम्या :