De Dhakka 2 : 2008 मध्ये दिग्दर्शित झालेला ‘दे धक्का 2’ (De Dhakka 2) हा सिनेमा प्रेक्षक आजही आवडीने पाहतात. आता 14 वर्षानंतर या सिनेमाचा दुसरा भाग प्रेक्षकांच्या भेटीला आला आहे. 5 ऑगस्टला हा सिनेमा सिनेमागृहात प्रदर्शित झाला आहे. ‘दे धक्का 2’ हा सिनेमा प्रेक्षकांच्या पसंतीस उतरतो आहे. अनेक सिनेमागृहांबाहेर हाऊसफुल्लचा बोर्ड झळकत आहे. नुकतच सिद्धार्थ जाधवने (Siddharth Jadhav) यासंदर्भात एक व्हिडीओ शेअर केला आहे.
सिद्धार्थने हाऊसफुल्लचा बोर्ड झळकत असलेला एक व्हिडीओ सोशल मीडियावर शेअर करत लिहिलं आहे," संपूर्ण महाराष्ट्रभर 'दे धक्का 2' प्रदर्शित झाला आहे. सिनेमा हाऊसफुल झाला असून धिंगाना प्रतिसाद पहायला मिळतोय. धिंगाना ऑडियन्स आहे, धिंगाना पब्लिक आहे, धिंगाना रिसपॉन्स आहे'. सिद्धार्थचा हा व्हिडीओ सध्या सोशल मीडियावर व्हायरल होत आहे.
‘दे धक्का 2’ या सिनेमाच्या दिग्दर्शनाची धुरा महेश मांजरेकर यांनी सांभाळली आहे. अमेय खोपकर यांच्या बॅनर खाली या सिनेमाची निर्मिती करण्यात आली आहे. या सिनेमाचे शूटिंग लंडनमध्ये करण्यात आले आहे. या सिनेमात प्रेक्षकांना मनोरंजनाची मेजवानी मिळत आहे.
‘दे धक्का’ हा चित्रपट 2008साली चित्रपटगृहात प्रदर्शित झाला होता. या चित्रपटाला प्रेक्षकांचा भरघोस प्रतिसाद मिळाला होता. अनेकदा चित्रपटगृहाबाहेर हाऊसफुलचे बोर्ड लागलेले दिसून आले होते. ‘दे धक्का’मध्ये शिवाजी साटम, मकरंद अनासपुरे, सिद्धार्थ जाधव, मेधा मांजरेकर, गौरी वैद्य, सचित पाटील या कलाकारांच्या मुख्य भूमिका होत्या. या चित्रपटाचा पहिला भाग अतुल काळे आणि सुदेश मांजरेकरांनी दिग्दर्शित केला होता. तर, महेश मांजरेकरांनी या चित्रपटाचे लेखन केले होते. दे धक्काः2 मधील गाणी देखील प्रदर्शित झाली आहेत.
संबंधित बातम्या