Crew Teaser Out : 'क्रू' (Crew) या सिनेमाचा धमाकेदार टीझर प्रेक्षकांच्या भेटीला आला आहे. पहिलं पोस्टर आऊट झाल्यापासून प्रेक्षक या सिनेमाची प्रतीक्षा करत होते. अखेर आता या बहुचर्चित सिनेमाचा टीझर आऊट झाला आहे. एअर होस्टेसची रोलर कोस्टर राइड या टीझरमध्ये पाहायला मिळत आहे. आधी या सिनेमाचं पोस्टर आऊट झालं होतं. यात तब्बू (Tabu), करीना कपूर खान (Kareena Kapoor Khan) आणि कृती सेनन (Kriti Sanon) यांची झलक पाहायला मिळाली होती.
'क्रू'च्या टीझरवरुन या सिनेमात मजेशीर संवाद, विनोदाची निर्मिती आणि चांगलं संगीत असल्याचा अंदाज येत आहे. दमदार स्टारकास्ट आणि उत्तम कथानक असल्याने या बहुचर्चित सिनेमाची प्रेक्षकांना उत्सुकता आहे. टीझर कमाल झाल्याने सिनेमादेखील उत्तम असेल असे म्हटले जात आहे.
'क्रू'च्या टीझरमध्ये काय आहे?
'क्रू' या सिनेमाची सुरुवात 'कुर्सी की पेटी बांध लिजिए क्योंकी यहाँ का तापमान आपके लिए बहुत गर्म होने वाला है' या डायलॉगने होते. तब्बू, कृती सेनन आणि करीना कपूर आपल्या नोकरीला कंटाळले आहेत, याचा टीझरमध्ये अंदाज येतो. टीझरमध्ये करीना कपूर खान 'चोली के पीछे क्या है' या गाण्यावर थिरकताना दिसत आहे.
'क्रू'च्या टीझरवरुन हा सिनेमा मध्यमवर्गीयांना आपलासा करणारा असेल असे म्हटले जात आहे. स्वप्न साकार करण्यासाठी काय काय करावं लागतं हे दाखवणारा हा सिनेमा आहे. अनेक तरुणांची गोष्ट या सिनेमात दाखवण्यात येणार आहे. तीन वेगळं आयुष्य जगणाऱ्या मुलींची गोष्ट या सिनेमात प्रेक्षकांना पाहायला मिळेल.
तब्बू (Tabu), करीना कपूर (Kareena Kapoor) आणि कृती सेनन (Kriti Sanon) या बॉलिवूड अभिनेत्री 'क्रू' या सिनेमाच्या माध्यमातून पहिल्यांदाच ग्लॅमरस अंदाजात झळकणार आहेत. टीझरमधील दिलजीत दोसांझ आणि कपिल शर्मा यांचं काम मजेशीर आहे.
'क्रू' कधी रिलीज होणार? (Crew Release Date)
'क्रू' या सिनेमाच्या दिग्दर्शनाची धुरा राजेश कृष्णन यांनी सांभाळली आहे. भारतातील अनेक ठिकाणी या सिनेमाचं शूटिंग पार पडत आहे. या सिनेमाचं बऱ्यापैकी शूटिंग मुंबईत पार पडलं आहे. बालाजी टेलीफिल्म्स आणि अनिल कपूर फिल्म अॅन्ड कम्युनिकेशन नेटवर्कच्या बॅनरअंतर्गत या सिनेमाची निर्मिती करण्यात येत आहे. 29 मार्च 2024 रोजी हा सिनेमा रुपेरी पडद्यावर प्रदर्शित होईल.
संंबंधित बातम्या