Coffee Movie : मराठमोळी अभिनेत्री स्पृहा जोशी (Spruha Joshi) आणि चॉकलेट बॉय सिद्धार्थ चांदेकरची (Siddharth Chandekar) जोडी लवकरच प्रेक्षकांच्या भेटीला येणार आहे. स्पृहा - सिद्धार्थचा 'कॉफी' सिनेमा 14 जानेवारीला प्रदर्शित होणार आहे. नुकताच सिनेमाचा टीझर प्रदर्शित करण्यात आला आहे. त्यामुळे प्रेक्षक आता 14 जानेवारीची प्रतिक्षा करत आहेत.
अभिनेत्री स्पृहा जोशीने सिनेमाचा टीझर शेअर करत लिहिले आहे,"प्रेम हे कॉफीसारखं असतं. थोडं गोड थोडं कडवट. पण प्रत्येक क्षणात मजा आहे. टीझर रिलीज झाला आहे. तुम्हाला कसा वाटला आम्हाला कमेंट करून नक्की सांगा. 14 जानेवारीला नक्की बघा #कॉफी आपल्या जवळच्या चित्रपटगृहात".
तन्वी फिल्मसची प्रस्तुती असलेला 'कॉफी' हा एक रोमॅंटिक सिनेमा आहे. या चित्रपटाचे दिग्दर्शन नितीन कांबळे यांनी केले आहे. तर कैलास सोरारी आणि विमला सोरारी हे या सिनेमाचे निर्माते आहेत. या सिनेमाची कथा-पटकथा मच्छिंद्र बुगडे यांनी लिहिली आहे. तर संवादलेखन मच्छिंद्र बुगडे आणि नितीन कांबळेंनी केले आहे. गीतकार अशोक बागवे यांनी या सिनेमाची गीते लिहिली आहेत.
संबंधित बातम्या