Chup Box Office Collection Day 2:  दाक्षिणात्य चित्रपटसृष्टीतील प्रसिद्ध अभिनेता दुलकर सलमान (Dulquer Salmaan) आणि बॉलिवूडमधील प्रसिद्ध अभिनेता  सनी देओल (Sunny Deol) यांचा  चुप: रिवेंज ऑफ द आर्टिस्ट (Chup Revenge Of the Artist) हा चित्रपट शुक्रवारी (23 सप्टेंबर) रिलीज झाला. या चित्रपटानं बॉक्स ऑफिसवर पहिल्या दिवशी चांगली कमाई केली. पण दुसऱ्या दिवशी मात्र या चित्रपटाची जादू बॉक्स ऑफिसवर दिसली नाही. जाणून घेऊयात या चित्रपटाचं दुसऱ्या दिवसाचे कलेक्शन...


चुपचं एकूण कलेक्शन 4.26


एका रिपोर्टनुसार चुप या चित्रपटानं दुसऱ्या दिवशी 1.20 कोटींचे कलेक्शन केलं आहे. या चित्रपटाने पहिल्या दिवशी बॉक्स ऑफिसवर 3.06 कोटींची कमाई केली. आता या चित्रपटाचं  एकूण कलेक्शन 4.26 कोटी एवढं झालं आहे. चुप हा चित्रपट 50 कोटींच्या क्लबमध्ये सामील होईल की नाही या प्रश्नाचं उत्तर लवकरच दुलकर सलमान आणि सनी देओल यांच्या चाहत्यांना  मिळणार आहे. 


आर. बल्की यांनी चुप या चित्रपटाचं प्रमोशन केलं आहे. सिनेमाचं कथानक देखील आर. बाल्की यांनी लिहिलं आहे. 'चुप: रिवेंद ऑफ द आर्टिस्ट' या सिनेमाचे रिलीज आधीच 63,000 तिकीट विकले गेले होते. तर रिलीजच्या दिवशी या सिनेमाचे चार लाख तिकीट विकले गेले आहेत. 'चुप' या सिनेमात प्रेक्षकांना थरार, नाट्य अनुभवायला मिळणार आहे. सनी देओल, दुलकर सलमान व्यतिरिक्त या सिनेमात पूजा भट्ट, आणि श्रेया धनवंतरी या अभिनेत्रींनी देखील प्रमुख भूमिका साकारली आहे. 


दुलकर सलमानबद्दल काय म्हणाले आर. बाल्की? 


चुप चित्रपटामध्ये दुलकर सलमानला कास्ट करण्याबद्दल यांनी आर. बाल्की एका मुलाखतीमध्ये सांगितलं, तो भारतीय चित्रपटसृष्टीत मी पाहिलेला सर्वात हुशार अभिनेत्यांपैकी एक आहे. तो देशातील सुपरस्टार आहे. हिंदी चित्रपटसृष्टीत त्याच्यासारखं टॅलेंट मिळणे फार कठीण आहे. 


वाचा इतर महत्त्वाच्या बातम्या :