Bollywood Upcoming Films : 'पठाण', 'टायगर 3' पासून 'जयेशभाई जोरदार'पर्यंत यशराज प्रॉडक्शनचे 'हे' बिग बजेट सिनेमे येणार प्रेक्षकांच्या भेटीला

Upcoming Films : यशराज प्रॉडक्शनचे बिग बजेट सिनेमे लवकरच प्रदर्शित होणार आहेत.

Bollywood Upcoming Films : यशराज प्रॉडक्शन हाऊसने 2020 मध्ये 50 वर्षे पूर्ण केली आहेत. 50 व्या वर्धापनदिनानिमित्त प्रॉडक्शन हाऊसने अनेक बिग बजेट सिनेमांची घोषणा केली होती. पण कोरोनाचा प्रादुर्भाव वाढल्याने या सिनेमांची रिलीज डेट पुढे ढकलण्यात आली होती. आता लवकरच हा सिनेमे प्रदर्शित होणार आहेत. 

पठाण
यशराज प्रॉडक्शनच्या 'पठाण' सिनेमाची रिलीज डेट जाहीर करण्यात आली आहे. हा बिग बजेट सिनेमा पुढील वर्षी प्रजासत्ताक दिनाच्या मुहूर्तावर प्रदर्शित होणार आहे.या सिनेमात शाहरुख खान मुख्य भूमिकेत आहे. या सिनेमाच्या माध्यमातून शाहरुख कमबॅक करणार आहे. 

जयेशभाई जोरदार
मे महिन्यात प्रदर्शित होणाऱ्या 'जयेशभाई जोरदार' सिनेमात रणवीर सिंह मुख्य भूमिकेत आहे. दाक्षिणात्य अभिनेत्री शालिनी पांडे या सिनेमाच्या माध्यमातून बॉलिवूडमध्ये पदार्पण करणार आहे. 

पृथ्वीराज
बॉलिवूडचा खिलाडी अक्षय कुमार आणि मिस वर्ल्ड मानुषी छिल्लरचा 'पृथ्वीराज' सिनेमा 3 जून 2022 रोजी रिलीज होणार आहे. या सिनेमात संजय दत्त आणि सोनू सूदही महत्त्वाच्या भूमिकेत दिसणार आहेत.

शमशेरा
'शमशेरा' सिनेमा जुलैमध्ये रिलीज होणार आहे. या सिनेमात रणबीर कपूर, वाणी कपूर आणि संजय दत्त मुख्य भूमिकेत दिसणार आहेत. हा सिनेमा हिंदी, तामिळ आणि तेलुगू भाषेत प्रदर्शित होणार आहे. 

टायगर 3
'टायगर 3' सिनेमा पुढील वर्षी ईदच्या मुहूर्तावर प्रदर्शित होणार आहे. या सिनेमात अॅक्शनचा तडका असणार आहे. मनीश शर्मा या चित्रपटाचे दिग्दर्शन करत आहेत. या सिनेमात इमरान हाश्मी नकारात्मक भूमिकेत आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha