Vishal Nikam : ‘बिग बॉस मराठी’चा (Bigg Boss Marathi 3) तिसरा सिझन प्रचंड गाजला. या पर्वात विशाल निकम (Vishal Nikam) याने संपूर्ण महाराष्ट्राची मने पुन्हा एकदा जिंकली. त्याला प्रेक्षकांचे भरभरून प्रेम मिळाले आणि तो या पर्वाचा महाविजेता ठरला. विशालची एक पोस्ट सध्या सोशल मीडियावर व्हायरल होत आहे.
हळद लागली, हळद लागली, आमच्या भावाला हळद लागली
अभिनेता विशाल निकम सोशल मीडियावर खूप अॅक्टिव्ह असतो. विशालने नुकतेच सोशल मीडियावर घरातल्या हळदी समारंभातले काही फोटो शेअर केले आहेत. फोटो पोस्ट करत विशालने लिहिले आहे,"हळद लागली, हळद लागली, आमच्या भावाला हळद लागली!" विशालने ही पोस्ट खास त्याच्या भावासाठी केली आहे.
विशालचा भाऊ सुरज लग्नबंधनात अडकणार आहे. नुकताच त्यांचा हळदी समारंभ पार पडला आहे. विशालने शेअर केलेल्या फोटोत विशाल भावाला हळद लावताना दिसत आहे. फोटोत विशाल आणि त्याचा भाऊ खूप आनंदी दिसत आहे. विशालच्या फोटोवर चाहत्यांनी कमेंट्सचा वर्षाव केला आहे. आता चाहते विशालच्या लग्नाची आतुरतेने वाट पाहत आहेत.
विशाल हा मुळचा सांगली जिल्ह्यातील खानापूर तालुक्यातील देवीखिंडी गावचा आहे. 2018 मध्ये प्रदर्शित झालेल्या मिथुन या चित्रपटामध्ये विशालने महत्वाची भूमिका साकारली. 'साता जल्माच्या गाठी' या मालिकेतील विशालच्या अभिनयाला प्रेक्षकांची विशेष पसंती मिळाली. 'दख्खनचा राजा ज्योतिबा' या मालिकेमुळे विशालला लोकप्रियता मिळाली. तसेच 'जय भवानी जय शिवाजी' या मालिकेमध्ये देखील विशालने महत्वाची भूमिका साकारली.
बारावी बोर्डाचा निकाल; एबीपी माझावर पाहता येणार, कसा पाहाल?
यंदा तुम्हाला 'ABP Majha'च्या वेबसाईटवर तुमचा निकाल पाहता येणार आहे. एबीपी माझाची अधिकृत वेबसाईट marathi.abplive.com वर बारावीचे विद्यार्थी झटपट आपला निकाल पाहू शकणार आहेत. एबीपी माझाच्या वेबसाईटवर निकाल पाहण्यासाठी mh12.abpmajha.com या लिंकवर क्लिक करा.
संबंधित बातम्या