Tamannaah Bhatia Babli Bouncer Trailer : दाक्षिणात्य सिनेसृष्टीसह बॉलिवूडमध्येदेखील अभिनेत्री तमन्ना भाटियाने (Tamannaah Bhatia) आपल्या अभिनयाने प्रेक्षकांवर छाप सोडली आहे. तमन्ना भाटिया सध्या तिच्या आगामी 'बबली बाउंसर' (Babli Bouncer) सिनेमामुळे चर्चेत आहे. आता या सिनेमाचा ट्रेलरदेखील रिलीज झाला आहे. ट्रेलरमध्ये तमन्नाचा एक वेगळा अंदाज प्रेक्षकांना पाहायला मिळणार आहे.
लेडी बाउंसरच्या भूमिकेत तमन्ना भाटिया
'बबली बाउंसर' या सिनेमाचा ट्रेलर रिलीज झाला असून ट्रेलरच्या सुरुवातीलाच सौरभ शुक्लाचा (Saurabh Shukla) आवाज ऐकायला मिळत आहे. सौरभ 'फतेहपुर' नावाच्या एका गावाबद्दल भाष्य करताना दिसत आहे. 'फतेहपुर' या गावाला बाउंसर्सचं गाव असं म्हटलं जातं. 'बबली बाउंसर' हा सिनेमादेखील बाउंसरच्या आयुष्यावर आधारित आहे. या सिनेमात तमन्ना भाटिया लेडी बाउंसरच्या भूमिकेत दिसून येणार आहे.
'बबली बाउंसर' या सिनेमात तमन्ना भाटिया लेडी बाउंसरच्या भूमिकेत दिसून येणार आहे. तमन्ना भाटियाचा एक दमदार लुक प्रेक्षकांना या सिनेमात पाहायला मिळणार आहे. 'बबली बाउंसर' या सिनेमात सौरभ शुक्ला तमन्ना भाटियाच्या वडिलांच्या भूमिकेत दिसणार आहे. तसेच या सिनेमात साहिल वैद (Sahil vaid) आणि अभिषेक बजाजदेखील (Abhishek Bajaj) महत्त्वाच्या भूमिकेत दिसून येणार आहे.
'बबली बाउंसर' कधी होणार रिलीज?
'बबली बाउंसर' या सिनेमाचा ट्रेलर प्रेक्षकांच्या पसंतीस उतरल्याने प्रेक्षक आता सिनेमाची प्रतीक्षा करत आहेत. हा सिनेमा सिनेमागृहात प्रदर्शित होणार नसून डिज्नी प्लस या ओटीटी प्लॅटफॉर्मवर प्रदर्शित होणार आहे. 23 सप्टेंबरला प्रेक्षकांना सिनेमा पाहायला मिळणार आहे. महिला बाउंसरवर आधारित 'बबली बाउंसर' हा पहिलाच सिनेमा आहे. या सिनेमाची प्रेक्षकांना उत्सुकता आहे.
संबंधित बातम्या