Ayushmann Khurrana : बॉलिवूड अभिनेता आयुष्मान खुरानाचे (Ayushmann Khurrana) वडील एस्ट्रोलॉजर पी खुराना (P Khurrana)  यांचे 19 मे रोजी निधन झाले आहे. ते काही दिवसांपासून हृदयाशी संबंधित आजाराने त्रस्त होते. वडिलांच्या  निधनानंतर  आता आयुष्माननं एक भावनिका पोस्ट सोशल मीडियावर शेअर केली आहे. 


आयुष्मानची पोस्ट


आयुष्माननं सोशल मीडियावर काही फोटो शेअर केले आहेत. या फोटोमध्ये आयुष्मानची आई, त्याचा भाऊ  अपरशक्ती खुराना हे दिसत आहेत. या फोटोला त्यानं कॅप्शन दिलं,  'आईची काळजी घेणार आणि नेहमी तिच्यासोबत राहणार आहे. वडिलांसारखं होण्यासाठी तुम्हाला तुमच्या वडिलांपासून खूप दूर जावं लागेल. वडील आपल्यापासून खूप दूर देखील आहेत आणि खूप जवळ देखील आहेत, असं पहिल्यांदाच जाणवत आहे. तुमचे संगोपन, प्रेम आणि सर्वात सुंदर आठवणींसाठी धन्यवाद.' आयुष्मानच्या या पोस्टला अर्जुन कपूरनं कमेंट केली, 'त्यांचे व्यक्तीमत्व  शांत होते. त्याच्याशी संवाद साधायला मला नेहमी आवडत होते.'






अपरशक्तीची पोस्ट


आयुष्मानचा भाऊ अपरशक्ती खुरानानं देखील एक पोस्ट शेअर केली आहे. या पोस्टमध्ये अपरशक्तीनं त्याच्या वडिलांचे काही फोटो आणि व्हिडीओ शेअर केले आहे. अपरशक्तीनं पोस्टमध्ये लिहिलं, “खुल के हँसो, खुल के जियो, खुल के मेहनत करो।” असं माझ्या वडिलांनी मला सांगितलं. 






पी खुराना यांचा 18 मे रोजी वाढदिवस होता. पण प्रकृती खालावल्याने आयुष्मानला त्यांचा वाढदिवस साजरा करता आला नाही. अखेर 19 मे रोजी त्यांनी अखेरचा श्वास घेतला. पी खुराना ख्यातनाम ज्योतिषी असून त्यांनी 34 पुस्तके लिहिली आहेत.


आयुष्मानचा ड्रीम गर्ल-2 हा चित्रपट लवकरच प्रेक्षकांच्या भेटीस येणार आहे. आयुष्मान हा त्याच्या अभिनयानं प्रेक्षकांची मनं जिंकत असतो. आयुष्मानच्या आगामी चित्रटांची प्रेक्षक उत्सुकतेने वाट बघत आहेत. एन अॅक्शन हिरो, डॉक्टर जी या आयुष्मानच्या चित्रपटांना प्रेक्षकांची पसंती मिळाली आहे.


संबंधित बातम्या


Ayushmann Khurrana : वडिलांना निरोप देताना आयुष्मान खुराना आणि अपारशक्ती भावूक, वाढदिवसाच्या दुसऱ्याच दिवशी निधन