मुंबई : अभिनेत्री करीना कपूर (Kareena Kapoor) बॉलिवूडच्या दमदार स्टार्सपैकी एक आहे. तर अभिनेता आयुष्मान खुराना (Ayushmann Khurrana) याने अभिनय कौशल्याच्या बळावर स्टारडम मिळवला आहे. करीना कपूर आणि आयुषमान एका चित्रपटामध्ये एकत्र झळकणार होते. मात्र, आयुष्मानने या चित्रपटातून माघार घेतल्याची माहिती समोर आली आहे. आयुष्मान आणि करीना दिग्दर्शक मेघना गुलजार (Director Meghna Gulzar) यांच्या आगामी चित्रपटात झळकणार होते. मेघना गुलजार यांनी राजी, तलवार आणि सॅम बहादूर यासारख्या ब्लॉकबस्टर चित्रपटांचं दिग्दर्शन केलं आहे.
करीना कपूरच्या चित्रपटातून आयुष्यमान खुरानाची माघार
आयुष्मान खुराना आणि करीना कपूर एका चित्रपटात एकत्र काम करणार आहेत, अशी बातमी काही दिवसांपूर्वी आली होती. या चित्रपटाचं नाव अद्याप ठरलेलं नाही, मात्र तात्पुरतं नाव 'दायरा' असल्याचं समोरल आलं होतं. दिग्दर्शक मेघना गुलजार यांच्या या चित्रपटाततून आयुष्मान खुरानाने माघार घेतली आहे, कारण त्याच्या तारखा चित्रपटाच्या शेड्युलशी जुळत नसल्याचं सांगितलं जात आहेत.
समोर आलं मोठं कारण
मिड-डेच्या रिपोर्टनुसार, 2024 च्या अखेरीस या चित्रपटाच्या शूटिंग करण्याचा मेकर्सचा प्लॅन आहे, मात्र व्यस्त शेड्यूलमुळे आयुष्मान खुराना या चित्रपटासाठी वेळ देऊ शकत नाही. या वर्षाच्या शेवटी हा चित्रपटाचं काम सुरु होईल आणि त्यावेळी आयुष्मान यूएस म्युझिक टूरवर असणार आहे. त्यामुळे तारखा क्लॅश होत असल्यामुळे त्याने या चित्रपटातून काढता पाय घेतल्याचं सांगण्यात येत आहे. आयुष्मान खुरानाकडे सनी देओलच्या 'बॉर्डर 2' व्यतिरिक्त आणखी दोन प्रोजेक्ट्स आहेत, ज्यासाठी तो लवकरच काम सुरू करणार आहे.
आयुष्मान खुरानाची जागी दुसऱ्या अभिनेत्याचा शोध
मीडिया रिपोर्टनुसार, आयुष्यमान खुरानाने चित्रपटातून माघार घेतल्याने आयुष्मान खुरानाची जागी दुसऱ्या अभिनेत्याचा शोध सुरु असल्याचं सांगितलं जात आहे. सध्या चित्रपटांच्या तारखांबाबत चर्चा सुरू आहे. प्रॉडक्शन टीम आणि डायरेक्टर मेघना गुलजार आता आयुष्मान खुरानाच्या रिप्लेसमेंटच्या शोधात आहेत. आयुष्मान खुराना आणि करीना कपूर यांनी मेघना गुलजारच्या चित्रपटाची स्क्रिप्ट वाचली आहे, जी दोघांनाही खूप आवडली असल्याचं याआधी, पिंकविलाने आपल्या रिपोर्टमध्ये सांगितलं होतं.
आयुष्मान खुरानाचे आगामी चित्रपट
अभिनेता आयुष्मान खुराना लवकरच एक स्पाय-कॉमेडी चित्रपटात झळकणार आहे, ज्याचा दिग्दर्शक आकाश कौशिक आहे. करण जोहर आणि गुनीत मोंगा संयुक्तपणे या चित्रपटाची निर्मिती करत आहेत. सारा अली खान या चित्रपटात मुख्य भूमिका साकारू शकते. याशिवाय आयुष्मान खुराना 'व्हॅम्पायर्स ऑफ विजय नगर' या हॉरर-कॉमेडी चित्रपटात दिसणार आहे. या चित्रपटाचे दिग्दर्शन ‘मुंज्या’ फेम दिग्दर्शक आदित्य सरपोतदार करणार आहेत.