Anek : आयुष्मान खुरानाच्या 'अनेक' सिनेमाची रिलीज डेट ठरली, 'या' दिवशी येणार प्रेक्षकांच्या भेटीला

Anek : आयुष्मान खुरानाचा 'अनेक' सिनेमा 13 मे 2022 रोजी सिनेमागृहात प्रदर्शित होणार आहे.

Anek : बॉलिवूड अभिनेता आयुष्मान खुरानाच्या (Ayushmann Khurrana) आगामी 'अनेक' (Anek) सिनेमाची अखेर रिलीज डेट ठरली आहे. हा सिनेमा 13 मे 2022 रोजी सिनेमागृहात प्रदर्शित होणार आहे. आयुष्मान खुराना त्याच्या अभिनयामुळे नेहमीच चर्चेत असतो. त्यामुळे आता प्रेक्षक त्याच्या आगामी सिनेमाची आतुरतेने वाट पाहत आहे.

आयुष्मान खुरानाने सिनेमाचे पोस्टर शेअर केले आहे. या पोस्टरमध्ये आयुष्मान खुराना एका खडकाच्या मागून कॅमेराकडे बघताना दिसत आहे. पोस्टर शेअर करत त्याने लिहिले आहे, "आता एकत्र येण्याची वेळ आली आहे. जिंकणार कोण? भारत. 13 मे 2022 रोजी अनेक होणार सिनेमागृहात प्रदर्शित"

अनुभव सिन्हाने या सिनेमाचे दिग्दर्शन केले आहे. हा सिनेमा आधी 31 मार्च रोजी प्रदर्शित होणार होता. पण कोरोनामुळे सिनेमाची रिलीज डेट पुढे ढकलण्यात आली आहे. या सिनेमात आयुष्मान खुराना जोशुआची भूमिका साकारत आहे. 'अनेक' सिनेमानंतर आयुष्मान अभिनेत्री रकुल प्रीत सिंहच्या 'डॉक्टर जी' सिनेमात झळकणार आहे. हा सिनेमा 17 जून 2022 रोजी रिलीज होणार आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha