मोठे ओठ, बटबटीत डोळे, खप्पड चेहरा असं आयेशाचं रुप या फोटोंमध्ये पाहायला मिळत होतं. मात्र हेटर्सनी आपले फोटो मॉर्फ केल्याचं आयेशाने इन्स्टाग्राम पोस्टमधून सांगितलं आहे. 'ऑनलाईन ट्रोलिंगने नवी पातळी गाठली आहे. मात्र मी रोज सोशल मीडियावर असल्यामुळे हा प्रकार माझ्या चटकन लक्षात आला' असं आयेशा म्हणते.
'सुदैवाने इन्स्टाग्रामवर माझे प्रचंड फॉलोवर्स आहेत. त्यांचा माझ्यावर विश्वास असल्याने त्यांनी या अफवांवर विश्वास ठेवला नाही आणि मला पाठिंबा दिला.' #DontCareAboutFalseRumours अशा हॅशटॅगसह आयेशाने चाहत्यांचे आभारही मानले.
आयेशा टाकियाने 'टारझन द वंडर कार' या चित्रपटातून 2004 साली बॉलिवूडमध्ये पदार्पण केलं होतं. त्यानंतर तिचे डोर, सोचा न था, शादी से पहले, वाँटेड, सन्डे यासारखे अनेक चित्रपट गाजले आहेत. ट्विटर, इन्स्टाग्रामवर ती अॅक्टिव्ह असली तरी गेल्या चार वर्षांत ती मोठ्या पडद्यावर झळकलेली नाही.