Aparna Nair Death : मल्याळम सिनेसृष्टीतील लोकप्रिय अभिनेत्री अपर्णा नायर (Aparna Nair) राहत्या घरी मृतावस्थेत आढळून आली आहे. 31 वर्षीय अभिनेत्रीच्या निधनानंतर सिनेसृष्टीत खळबळ उडाली आहे. अभिनेत्रीचा संशयास्पद मृत्यू झाल्याचं म्हटलं जात आहे. अपर्णा नायरची (Aparna Nair Death) शेवटची इंस्टाग्राम पोस्ट सोशल मीडियावर व्हायरल होत आहे.
अपर्णा नायरने (Malayalam actress Aparna Nair Death) निधनाच्या काही तासांपूर्वी इंस्टाग्रामवर एक खास पोस्ट शेअर केली होती. तिने तिच्या लाडक्या लेकीचा व्हिडीओ चाहत्यांसोबत शेअर केला होत. व्हिडीओ शेअर करत तिने लिहिलं होतं,"मेरी उन्नी, प्लेफुल लिटिल वन". अभिनेत्रीने सोशल मीडियावर तिचे आणि कुटुंबियांसोबतचे अनेक फोटो आणि व्हिडीओ शेअर केले आहेत.
राहत्या घरी लटकलेल्या अवस्थेत सापडली अपर्णा
अपर्णाच्या निधनाचं कारण समोर आलेलं नाही. तिच्या निधनाने सेलिब्रिटींसह तिच्या चाहत्यांना मोठा धक्का बसला आहे. अपर्णा गुरुवारी रात्री तिरुवनंतपुरम येथील तिच्या राहत्या घरी लटकलेल्या अवस्थेत आढळून आली. त्यानंतर लगेचच अभिनेत्रीला रुग्णालयात नेण्यात आले. पण डॉक्टरांनी तिला मृत घोषिक केलं. करमना पोलिसांनी अनैसर्गिक मृत्यूची नोंद केली असून ते पुढील तपास करत आहेत.
अपर्णाच्या पश्चात पती आणि दोन मुली आहेत. अभिनेत्रीचा राहत्या घरात संशयास्पद मृतदेह आढळल्यामुळे तिची हत्या आहे की आत्महत्या असा प्रश्न उपस्थित होत आहे. पोलीस आता याप्रकरणाची चौकशी करत आहेत. अपर्णाच्या निधनानंतर चाहते सोशल मीडियाच्या माध्यमातून शोक व्यक्त करत आहेत. अपर्णाच्या निधनाने इंडस्ट्रीत चांगलीच खळबळ माजली आहे.
अपर्णाच्या मालिका आणि सिनेमांबद्दल जाणून घ्या.. (Malayalam Actress Aparna Nair Movies And Serials)
अपर्णा पी नायर ही मल्याळम इंडस्ट्रीतील छोट्या पडद्यावरील लोकप्रिय मालिका आहे. 'चंदनमाझा', 'आत्मसाखी', 'मैथिली वीन्दुम वरुम' आणि 'देवस्पर्शम' या मालिकांमध्ये काम केलं आहे. तसेच 'मेघतीर्थम','मुथुगौ' 'अचायन्स''कोडथी समक्षम बालन वकील' आणि 'कल्कि' सारख्या सिनेमांत अभिनेत्रीने काम केलं आहे.
श्रेया आणि कृतिका अशी अपर्णाच्या मुलींची नावं आहेत. शवविच्छेदन अहवाल आल्यानंतरच अभिनेत्रीच्या मृत्यूचे कारण स्पष्ट होणार आहे. अभिनेत्रीच्या मृत्यू प्रकरणी पोलीसांचा तपास सुरू असून अभिनेत्रीच्या मित्रांचा आणि कुटुंबियांचा जबाब नोंदवण्यात आला आहे.
संबंधित बातम्या