Anushka Sharma, Chakda ‘Xpress : बॉलिवूडमधील प्रसिद्ध अभिनेत्री अनुष्का शर्मा (Anushka Sharma) तिच्या अभिनयाने प्रेक्षकांचे नेहमी मनोरंजन करते. 2017 मध्ये अनुष्कानं क्रिकेटपटू विराट कोहलीसोबत लग्नगाठ बांधली. यानंतर 11 जानेवारी 2021मध्ये रोजी तिने मुलगी वामिकाला जन्म दिला. लेकीच्या जन्मानंतर काही वर्ष अनुष्का शर्मानं चित्रपटातून ब्रेक घेतला होता. मात्र, आता अमुष्काने बॉलिवूडमध्ये दमदार पुनरागमन केले आहे. ‘चकदा एक्सप्रेस’ (Chakda ‘Xpress) या चित्रपटातून ती प्रेक्षकांच्या भेटीला येणार आहे. अनुष्काने या चित्रपटाच्या चित्रीकरणाला सुरुवात केल्याची माहिती समोर आली आहे.
भारतीय महिला क्रिकेट संघाच्या वेगवान गोलंदाज झुलन गोस्वामी यांचा बायोपिक ‘Chakda Xpress’मध्ये अनुष्का शर्मा मुख्य भूमिकेत दिसणार आहे. अनुष्का शर्माने या चित्रपटाची तयारी सुरू केली असून, ट्रेनिंगचा व्हिडीओ देखील चाहत्यांसोबत शेअर केला होता. व्हिडीओमध्ये अनुष्का शर्मा क्रिकेट पीचवर घाम गाळताना दिसली होती. मात्र, आता तिने या चित्रपटाच्या चित्रीकरणाला सुरुवात केली आहे. आयपीएलचा अंतिम सामना संपल्यानंतर दुसऱ्याच दिवसापासून नेटफ्लिक्सच्या या चित्रपटाचे शूटिंग सुरू झाले आहे.
नेटफ्लिक्स प्रदर्शित होणार चित्रपट
‘चकदा एक्सप्रेस’ हा चित्रपट नेटफ्लिक्स या ओटीटी प्लॅटफॉर्मवर प्रदर्शित होणार आहे. अनुष्काने शेअर केलेल्या व्हिडीओमधील तिच्या लूकने अनेकांचे लक्ष वेधले आहे. झूलन गोस्वामी या एक फास्ट बॉलर आहेत. अनुष्काच्या चकदा एक्सप्रेस या चित्रपटाचे शूटिंग भारताबरोबरच यूकेमध्ये देखील होणार आहे. या चित्रपटाची निर्मीती अनुष्काच्या प्रोडक्शन हाऊसने म्हणजेच क्लीन स्लेट फिल्म यांनी केली आहे. या प्रोडक्शन हाऊसने ‘एनएच 10’ आणि ‘परी’ या चित्रपटांची देखील निर्मिती केली आहे. अनुष्का आता यातून बाहेर पडली असली तरी, याची धुरा तिचा भाऊ सांभाळतो आहे.
अनुष्काचं धमाकेदार पुनरागम
अनुष्का शर्मा शेवट शाहरुख खानसोबत ‘झिरो’ या चित्रपटात दिसली होती. या चित्रपटात कतरिना कैफही मुख्य भूमिकेत होती. ‘झिरो’नंतर अनुष्काने कोणत्याही चित्रपटात काम केलेले नाही. ती चित्रपट आणि वेब सिरीजची निर्मिती करत होती. तिने ‘पाताल लोक’ या वेब सिरीज आणि ‘बुलबुल’ चित्रपटाची निर्मिती केली आहे. आता सर्वांनाच अनुष्काच्या पुनरागमनाची प्रतीक्षा आहे.
हेही वाचा :